ਬੀ.ਸੀ .ਦੇ ਤੱਟਵਰਤੀ ਖੇਤਰ ਵਿਚ ਖੁੱਲ੍ਹੇ ਵਿਚ ਅੱਗ ਲਗਾਉਣ 'ਤੇ ਪਾਬੰਦੀ ਜਾਰੀ

ਬੀ.ਸੀ. ਵਾਈਲਡਫਾਇਰ ਸਰਵਿਸ ਨੇ ਤੱਟਵਰਤੀ ਖੇਤਰ ਵਿਚ ਅਮਰੀਕੀ ਸਰਹੱਦ ਤੋਂ ਲੈ ਕੇ ਟਵੀਡਸਮੂਇਰ ਦੱਖਣੀ ਸੂਬਾਈ ਪਾਰਕ ਤੱਕ ਖੁੱਲ੍ਹੇ ਵਿਚ ਅੱਗ ਲਗਾਉਣ 'ਤੇ ਪਾਬੰਦੀਆਂ ਦਾ ਐਲਾਨ ਕੀਤਾ ਹੈ। ਕੈਟਾਗਰੀ 2 ਅਤੇ ਕੈਟਾਗਰੀ 3 ਦੇ ਖੁੱਲ੍ਹੇ ਵਿੱਚ ਅੱਗ 'ਤੇ ਇਹ ਪਾਬੰਦੀ ਸ਼ੁੱਕਰਵਾਰ ਦੁਪਹਿਰ ਤੋਂ ਲਾਗੂ ਹੋਵੇਗੀ, ਜੋ 31 ਅਕਤੂਬਰ ਤੱਕ ਜਾਂ ਇਸ ਨੂੰ ਰੱਦ ਕੀਤੇ ਜਾਣ ਤੱਕ ਲਾਗੂ ਰਹੇਗੀ।

ਸ਼੍ਰੇਣੀ 1 ਕੈਂਪਫਾਇਰ ਅਤੇ ਖਾਣਾ ਪਕਾਉਣ ਵਾਲੇ ਸਟੋਵ ਦੀ ਵਰਤੋਂ ਦੀ ਇਜਾਜ਼ਤ ਦਿੱਤੀ ਗਈ ਹੈ। ਹੈਡਾ ਗਵਾਈ ਜੰਗਲਾਤ ਜ਼ਿਲ੍ਹਾ ਵਿਚ ਸਿਰਫ ਸ਼੍ਰੇਣੀ 3 ਦੀਆਂ ਅੱਗਾਂ ਦੀ ਮਨਾਹੀ ਹੋਵੇਗੀ। ਉਥੇ ਹੀ, ਜਿਨ੍ਹਾਂ ਇਲਾਕਿਆਂ ਵਿਚ ਖੁੱਲ੍ਹੇ ਵਿਚ ਅੱਗ ਲਾਉਣ 'ਤੇ ਪਾਬੰਦੀਆਂ ਲਗਾਈਆਂ ਗਈਆਂ ਹਨ ਉਨ੍ਹਾਂ ਵਿਚ ਸਨਸ਼ਾਈਨ ਕੋਸਟ, ਲੋਅਰ ਮੇਨਲੈਂਡ, ਵੈਨਕੂਵਰ ਆਈਲੈਂਡ ਅਤੇ ਖਾੜੀ ਟਾਪੂ ਸ਼ਾਮਲ ਹਨ।

ਬੀ.ਸੀ. ਵਾਈਲਡਫਾਇਰ ਸਰਵਿਸ ਨੇ ਕਿਹਾ ਹੈ ਕਿ ਪਾਬੰਦੀ ਦੀ ਉਲੰਘਣਾ ਕਰਨ ਵਾਲੇ ਕਿਸੇ ਵੀ ਵਿਅਕਤੀ ਨੂੰ $1,150 ਤੋਂ $100,000 ਤੱਕ ਜੁਰਮਾਨਾ ਹੋ ਸਕਦਾ ਹੈ ਅਤੇ ਅਦਾਲਤ ਵਿੱਚ ਦੋਸ਼ੀ ਠਹਿਰਾਏ ਜਾਣ 'ਤੇ ਇੱਕ ਸਾਲ ਦੀ ਕੈਦ ਹੋ ਸਕਦੀ ਹੈ।