17.19C Vancouver 17.19C VancouverAug 31, 2023 7:40 PM - Connect News
ਬ੍ਰਿਟਿਸ਼ ਕੋਲੰਬੀਆ ਵਿੱਚ ਜੰਗਲ ਦੀ ਅੱਗ ਕਾਰਨ ਲਗਾਈ ਗਈ ਸਟੇਟ ਆਫ਼ ਐਮਰਜੈਂਸੀ ਨੂੰ ਦੋ ਹਫ਼ਤੇ ਲਈ ਹੋਰ ਵਧਾ ਦਿੱਤਾ ਗਿਆ ਹੈ।
ਇਸਦੀ ਜਾਣਕਾਰੀ ਐਮਰਜੈਂਸੀ ਮੈਨੇਜਮੈਂਟ ਮੰਤਰੀ ਬੋਇਨ ਮਾ ਨੇ ਦਿੱਤੀ ਹੈ।
ਮੰਤਰੀ ਦਾ ਕਹਿਣਾ ਹੈ ਕਿ ਸੂਬੇ ਦੇ ਸਾਊਥ ਹਿੱਸੇ ਵਿੱਚ ਮੀਂਹ ਪੈਣ ਕਰਕੇ ਜੰਗਲ ਦੀ ਅੱਗ ਨੂੰ ਕਾਬੂ ਕਰਨ ਵਿੱਚ ਮਦਦ ਮਿਲੀ ਹੈ ਪਰ ਨੌਰਥ ਵਿੱਚ ਹੀਟ ਵੇਵ ਨੇ ਜੰਗਲੀ ਅੱਗ ਦੀ ਸਥਿਤੀ ਨੂੰ ਵਿਗਾੜ ਦਿੱਤਾ ਹੈ, ਜਿਸ ਕਰਕੇ ਸਟੇਟ ਆਫ਼ ਐਮਰਜੈਂਸੀ ਨੂੰ ਦੋ ਹਫ਼ਤੇ ਲਈ ਹੋਰ ਵਧਾਇਆ ਗਿਆ ਹੈ।
ਮਾ ਨੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਬੀ.ਸੀ. ਵਿੱਚ ਜੰਗਲੀ ਅੱਗ ਕਾਰਨ 4,200 ਲੋਕ ਇਵੈਕੁਏਸ਼ਨ ਆਰਡਰਸ ਦੇ ਅਧੀਨ ਹਨ, ਅਤੇ 65,000 ਲੋਕ ਇਵੈਕੁਏਸ਼ਨ ਅਲਰਟ ਤੇ ਹਨ।
ਮਾ ਨੇ ਕਿਹਾ ਕਿ ਜੰਗਲ ਦੀ ਅੱਗ ਦਾ ਖ਼ਤਰਾ ਹਾਲੇ ਬਣਿਆ ਹੋਇਆ ਹੈ।
ਜ਼ਿਕਰਯੋਗ ਹੈ ਕਿ ਐਮਰਜੈਂਸੀ ਦੀ ਸਥਿਤੀ ਪਹਿਲੀ ਵਾਰ 18 ਅਗਸਤ ਨੂੰ ਘੋਸ਼ਿਤ ਕੀਤੀ ਗਈ ਸੀ।
ਬ੍ਰਿਟਿਸ਼ ਕੋਲੰਬੀਆ ਵਿੱਚ ਲਗਭਗ 400 ਐਕਟਿਵ ਜੰਗਲੀ ਅੱਗਾਂ ਹਨ, ਜਿਸ ਕਰਕੇ ਕੁਝ ਹਿੱਸਿਆਂ ਵਿੱਚ ਅਜੇ ਲਗਾਤਾਰ ਗਰਮੀ ਜਾਰੀ ਰਹਿਣ ਦੀ ਉਮੀਦ ਹੈ।
ਐਨਵਾਇਰਮੈਂਟ ਕੈਨੇਡਾ ਦਾ ਕਹਿਣਾ ਹੈ ਕਿ ਨੌਰਥ ਬੀ.ਸੀ. ਵਿੱਚ ਕਈ ਕਮਿਊਨਿਟੀਜ਼ ਹੀਟ ਵਾਰਨਿੰਗਸ ਦਾ ਸਾਹਮਣਾ ਕਰ ਰਹੀਆਂ ਹਨ।
