12.79C Vancouver 12.79C VancouverNov 5, 2021 10:24 PM - The Canadian Press
ਸਾਲ 1997 'ਚ ਵਿਕਟੋਰੀਆ 'ਚ ਹੋਈ 14 ਸਾਲਾ ਰੀਨਾ ਵਿਰਕ ਦੀ ਮੌਤ ਦੇ ਮਾਮਲੇ 'ਚ ਦੋਸ਼ੀ ਪਾਈ ਗਈ ਔਰਤ ਨੂੰ ਡੇਅ ਪੈਰੋਲ ਦਾ ਇੱਕ ਹੋਰ ਮੌਕਾ ਦਿੱਤਾ ਗਿਆ ਹੈ।
ਨੈਸ਼ਨਲ ਪੈਰੋਲ ਬੋਰਡ ਦਾ ਕਹਿਣਾ ਹੈ ਕਿ ਕੈਲੀ ਐਲਰਡ ਜੋ ਕਿ ਹੁਣ ਕੈਰੀ ਸਿਮ ਦੇ ਨਾਮ ਨਾਲ ਜਾਣੀ ਜਾਂਦੀ ਹੈ, ਉਸ ਦੀ ਪੈਰੋਲ ਨੂੰ ਰਿਸਟੋਰ ਕੀਤਾ ਗਿਆ ਹੈ।
ਅਗਸਤ ਮਹੀਨੇ 'ਚ ਉਸ ਦੀ ਪੈਰੋਲ ਨੂੰ ਰਿਵੋਕ ਕਰ ਦਿੱਤਾ ਗਿਆ ਸੀ।
ਉਸ ਮੌਕੇ ਕੈਰੀ ਸਿਮ ਵੱਲੋਂ ਡਰੱਗਸ ਅਤੇ ਸ਼ਰਾਬ ਦੇ ਸੇਵਨ ਦੇ ਸੰਕੇਤ ਮਿਲੇ ਸਨ।
ਇਸ ਤੋਂ ਇਲਾਵਾ ਅਗਸਤ 'ਚ ਉਸ ਦੇ 2 ਬੱਚਿਆਂ ਦੇ ਪਿਤਾ ਨਾਲ ਹਿੰਸਕ ਪ੍ਰਵਰਤੀ ਵਾਲੀ ਗੱਲਬਾਤ ਦੀ ਜਾਣਕਾਰੀ ਵੀ ਮਿਲੀ ਸੀ।
ਬੋਰਡ ਨੇ ਪਾਇਆ ਕਿ ਕੈਰੀ ਸਿਮ ਨੇ ਬੀਤੇ ਇੱਕ ਸਾਲ ਤੋਂ ਵਧੇਰੇ ਤਣਾਅ ਮਹਿਸੂਸ ਕੀਤਾ ਸੀ ਅਤੇ ਉਸ ਦੇ ਵਿਵਹਾਰ 'ਚ ਗਿਰਾਵਟ ਆਈ ਸੀ, ਜਿਸ ਤੋਂ ਬਾਅਦ ਉਸ ਦੀ ਪੈਰੋਲ ਰੱਦ ਕੀਤੀ ਗਈ ਸੀ।
ਹੁਣ ਕੈਰੀ ਸਿਮ ਦੇ ਕਮਿਊਨਿਟੀ 'ਚ ਵਾਪਸੀ ਹੋ ਰਹੀ ਹੈ ਪਰ ਉਸ 'ਤੇ ਪਬੰਦੀਆਂ ਨੂੰ ਵਧਾਇਆ ਜਾ ਰਿਹਾ ਹੈ ਜਿਸ 'ਚ ਸਾਈਕੈਟ੍ਰਿਕ ਕੇਅਰ ਹਾਸਿਲ ਕਰਨਾ ਵੀ ਸ਼ਾਮਿਲ ਹੈ।
ਉਸ ਨੂੰ ਆਪਣੇ 2 ਬੱਚਿਆਂ ਦੇ ਪਿਤਾ ਨਾਲ ਸੰਪਰਕ ਸਥਾਪਿਤ ਕਰਨ ਤੋਂ ਵੀ ਰੋਕ ਲਗਾਈ ਗਈ ਹੈ।
