20.87C Vancouver 20.87C VancouverNov 17, 2022 1:14 AM - The Canadian Press
ਬੀ.ਸੀ. ਦੇ ਪ੍ਰਿੰਸ ਜੌਰਜ ਵਿੱਚ ਇੱਕ ਔਰਤ ਦੇ ਅਵਸ਼ੇਸ਼ ਮਿਲੇ ਹਨ।
ਖਾਸ ਗੱਲ ਇਹ ਹੈ ਕਿ ਜਿਸ ਔਰਤ ਦੇ ਅਵਸ਼ੇਸ਼ ਮਿਲੇ ਹਨ ਉਸ ਦੇ ਕਾਤਲ ਨੂੰ 30 ਸਾਲ ਪਹਿਲਾਂ ਸਜਾ ਹੋਈ ਸੀ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਔਰਤ ਦੇ ਅਵਸ਼ੇਸ਼ ਬੀਤੇ ਮਹੀਨੇ ਕਨੌਟ ਹਿਲ ਪਾਰਕ 'ਚ ਮਿਲੇ ਸਨ।
ਪੁਲਿਸ ਦਾ ਕਹਿਣਾ ਸੀ ਕਿ ਬੀ.ਸੀ. ਕੋਰੋਨਰ ਸਰਵਿਸ ਦੀ ਮਦਦ ਨਾਲ ਪਛਾਣ ਹੋ ਸਕੀ ਕਿ ਮਨੁੱਖੀ ਅਵਸ਼ੇਸ਼ ਡੋਨਾ ਚਾਰਲੀ ਨਾਮ ਦੀ ਔਰਤ ਦੇ ਹਨ।
ਇਸ ਔਰਤ ਦਾ ਕਤਲ ਸਾਲ 1990 'ਚ ਹੋਇਆ ਸੀ।
ਮਾਮਲੇ ਦੀ ਸ਼ੁਰੂਆਤੀ ਜਾਂਚ 'ਚ ਦੋਸ਼ੀ ਨੂੰ ਸਜਾ ਹੋਈ ਸੀ ਪਰ ਪੁਲਿਸ ਦਾ ਕਹਿਣਾ ਹੈ ਕਿ ਫਾਈਲ ਮਿਸਿੰਗ ਪਰਸਨਸ ਯੂਨਿਟ ਕੋਲ ਖੁੱਲ੍ਹੀ ਰਹੀ ਸੀ।
ਉਸ ਮੌਕੇ ਚਾਰਲੀ ਦੇ ਬੁਆਏਫਰੈਂਡ ਰਹੇ ਜਰਾਲਡ ਸਮਾਸਲੈਟ ਨੂੰ ਸੈਕਿੰਡ ਡਿਗਰੀ ਕਤਲ ਦਾ ਦੋਸ਼ੀ ਠਿਹਰਾਇਆ ਗਿਆ ਸੀ।
ਉਸ ਨੇ ਕਬੂਲਿਆ ਸੀ ਕਿ ਡੋਨਾ ਚਾਰਲੀ ਦਾ ਬਿਨਾ ਸਿਰ ਦਾ ਸ਼ਰੀਰ ਉਸ ਨੇ ਇੱਕ ਲੌਟ ਹੇਠ ਦੱਬ ਦਿੱਤਾ ਸੀ।
ਸਾਲ 1992 'ਚ ਦੋਸ਼ੀ ਨੇ ਟ੍ਰਾਇਲ ਦੌਰਾਨ ਦੱਸਿਆ ਸੀ ਕਿ ਉਸ ਨੇ ਔਰਤ ਦਾ ਸਿਰ ਕਨੌਟ ਹਿਲ 'ਚ ਦੱਬ ਦਿੱਤਾ ਸੀ।
ਜਾਣਕਾਰੀ ਅਨੁਸਾਰ ਪੀੜਤ ਔਰਤ ਦਾ ਮ੍ਰਿਤ ਸ਼ਰੀਰ ਸਾਲ 1991 'ਚ ਮਿਲ ਗਿਆ ਸੀ ਪਰ ਉਸ ਦਾ ਸਿਰ ਨਹੀਂ ਮਿਲਿਆ ਸੀ।
ਹੁਣ ਸਾਂਝੀ ਕੀਤੀ ਗਈ ਜਾਣਕਾਰੀ ਤੋਂ ਪਤਾ ਚਲਦਾ ਹੈ ਕਿ ਉਸ ਦਾ ਸਿਰ ਲੱਭ ਲਿਆ ਗਿਆ ਹੈ।
