14.94C Vancouver 14.94C VancouverNov 23, 2023 5:37 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਵਿੱਚ ਜਲਦੀ ਹੀ 13 ਕਮਿਊਨਿਟੀਆਂ 'ਤੇ ਸਪੈਕੁਲੇਸ਼ਨ ਅਤੇ ਵਕੈਂਸੀ ਟੈਕਸ ਲਗਾਇਆ ਜਾ ਰਿਹਾ ਹੈ। ਸੂਬਾ ਸਰਕਾਰ ਵੱਲੋਂ ਕੱਲ ਇਹ ਐਲਾਨ ਕਰਦੇ ਹੋਏ ਕਿਹਾ ਗਿਆ ਕਿ ਖਾਲੀ ਯੂਨਿਟਾਂ ਨੂੰ ਘਰਾਂ ਵਿੱਚ ਬਦਲਣ ਦੀ ਕੋਸ਼ਿਸ਼ ਦੇ ਚਲਦੇ ਇਹ ਫੈਸਲਾ ਲਿਆ ਗਿਆ ਹੈ ਤਾਂ ਜੋ ਬਹੁਤ ਸਾਰੇ ਲੋਕ ਸੁਰੱਖਿਅਤ ਰਿਹਾਇਸ਼ ਲੱਭਣ ਲਈ ਸੰਘਰਸ਼ ਕਰ ਰਹੇ ਹਨ ਉਨ੍ਹਾਂ ਨੂੰ ਘਰ ਮਿਲ ਸਕੇ।
ਇਨ੍ਹਾਂ ਵਿੱਚ ਮੈਟਰੋ ਵੈਨਕੂਵਰ ਅਤੇ ਰਾਜਧਾਨੀ ਖੇਤਰੀ ਜ਼ਿਲ੍ਹੇ ਵੀ ਸ਼ਾਮਿਲ ਹਨ ਜੋ ਪਹਿਲਾਂ ਹੀ ਟੈਕਸ ਅਧੀਨ ਹਨ। ਹਾਊਸਿੰਗ ਮੰਤਰੀ ਰਵੀ ਕਾਹਲੋਂ ਅਨੁਸਾਰ ਇਸ ਨਾਲ ਕਮਿਊਨਿਟੀਆਂ ਵਿੱਚ ਬਦਲਾਅ ਆ ਰਿਹਾ ਹੈ ਅਤੇ ਇਸਨੂੰ ਜਾਰੀ ਰੱਖਣਾ ਹੋਵੇਗਾ। ਇਨ੍ਹਾਂ 8 ਨਵਿਆਂ ਸਥਾਨਾਂ ਵਿੱਚੋਂ ਅੱਠ ਓਕਾਨਾਗਨ ਅਤੇ ਸਾਊਥ ਇੰਟੀਰੀਅਰ ਵਿੱਚ ਹਨ ਜਿਨ੍ਹਾਂ ਵਿੱਚ ਪੇਂਟਿਕਟਨ, ਵਰਨਨ ਅਤੇ ਕੈਮਲੂਪਸ ਵੀ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਕੋਰਟਨੇ, ਕੁਆਲਿਕਮ ਬੀਚ ਅਤੇ ਪਾਰਕਸਵਿਲ ਸਮੇਤ 5 ਸਥਾਨ ਵੈਨਕੂਵਰ ਟਾਪੂ ਵਿੱਚ ਹਨ।
ਵਿੱਤ ਮੰਤਰੀ ਕੈਟਰੀਨ ਕੋਨਰੋਏ ਨੇ ਕਿਹਾ ਕਿ ਘਰਾਂ ਨੂੰ ਖਾਲੀ ਨਹੀਂ ਛੱਡਣ ਚਾਹੀਦਾ ਅਤੇ ਉਨ੍ਹਾਂ ਨੂੰ ਸੱਟੇਬਾਜ਼ਾਂ ਲਈ ਨਿਵੇਸ਼ ਦੇ ਤੌਰ 'ਤੇ ਨਹੀਂ ਵਰਤਿਆ ਜਾਣਾ ਚਾਹੀਦਾ। 59 ਕਮਿਊਨਿਟੀਆਂ ਦੀ ਇਸ ਨਵੀਂ ਲਿਸਟ ਬਾਰੇ ਜਵਾਬ ਦਿੰਦੇ ਹੋਏ ਕੋਨਰੋਏ ਨੇ ਕਿਹਾ ਕਿ ਬਹੁਤ ਸਾਰੇ ਲੋਕਾਂ ਵੱਲੋਂ ਇਸ ਤਬਦੀਲੀ ਦੀ ਮੰਗ ਕੀਤੀ ਗਈ ਸੀ।
ਇਹਨਾਂ ਕਮਿਊਨਿਟੀਆਂ ਵਿੱਚ ਜਾਇਦਾਦ ਦੇ ਮਾਲਕਾਂ ਨੂੰ ਜਨਵਰੀ 2025 ਵਿੱਚ ਪਹਿਲੀ ਵਾਰ ਘੋਸ਼ਣਾ ਕਰਨੀ ਪਵੇਗੀ ਕੀ ਉਹਨਾਂ ਨੇ 2024 ਵਿੱਚ ਆਪਣੀ ਜਾਇਦਾਦ ਦੀ ਵਰਤੋਂ ਕਿਵੇਂ ਕੀਤੀ ਹੈ। ਸੂਬੇ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ 2018 ਤੋਂ ਹੁਣ ਤੱਕ ਖਾਲੀ ਘਰਾਂ ਦੇ ਟੈਕਸ ਤੋਂ $313 ਮਿਲੀਅਨ ਇਕੱਠੇ ਕੀਤੇ ਹਨ।
