ਔਟਵਾ ਤੋਂ ਐਮ.ਪੀ. ਚੰਦਰ ਆਰੀਆ ਕੈਨੇਡਾ ਦਾ ਪੀ, ਐੱਮ. ਬਣਨ ਦੀ ਦੌੜ ਵਿਚ ਸ਼ਾਮਲ

ਓਨਟਾਰੀਓ ਤੋਂ ਲਿਬਰਲ ਪਾਰਟੀ ਦੇ ਭਾਰਤੀ ਮੂਲ ਦੇ ਐਮ.ਪੀ. ਚੰਦਰ ਆਰੀਆ ਨੇ ਕੈਨੇਡਾ ਦੇ ਅਗਲੇ ਪ੍ਰਧਾਨ ਬਣਨ ਲਈ ਲੀਡਰਸ਼ਿਪ ਚੋਣ ਲੜਨ ਦੀ ਘੋਸ਼ਣਾ ਕੀਤੀ ਹੈ। ਅਧਿਕਾਰਤ ਤੌਰ ’ਤੇ ਘੋਸ਼ਣਾ ਕਰਨ ਵਾਲੇ ਉਹ ਲਿਬਰਲ ਕਾਕਸ ਦੇ ਪਹਿਲੇ ਮੈਂਬਰ ਹਨ। ਆਰੀਆ ਨੇ ਵੀਰਵਾਰ ਨੂੰ ਸੋਸ਼ਲ ਮੀਡੀਆ ਪੋਸਟ ਵਿਚ ਇਸ ਦੀ ਪੁਸ਼ਟੀ ਕੀਤੀ।

ਉਨ੍ਹਾਂ ਕਿਹਾ ਕਿ ਮੈਂ ਹਮੇਸ਼ਾ ਹੀ ਕੈਨੇਡੀਅਨਾਂ ਦੀ ਬਿਹਤਰੀ ਲਈ ਸਖ਼ਤ ਮਿਹਨਤ ਕੀਤੀ ਹੈ ਅਤੇ ਇਹ ਚੋਣ ਵੀ ਉਹ ਕੈਨੇਡੀਅਨਾਂ ਦੇ ਭਵਿੱਖ ਲਈ ਲੜਨਗੇ। ਆਰੀਆ ਨੇ ਕਿਹਾ ਕਿ ਕੈਨੇਡਾ ਨੂੰ ਇਸ ਸਮੇਂ ਸਾਹਸੀ ਲੀਡਰਸ਼ਿਪ ਦੀ ਜ਼ਰੂਰਤ ਹੈ ਜੋ ਵੱਡੇ ਫੈਸਲੇ ਲੈਣ ਤੋਂ ਨਾ ਡਰੇ, ਅਜਿਹੇ ਫੈਸਲੇ ਜਿਸ ਨਾਲ ਅਰਥਵਿਵਸਥਾ ਨੂੰ ਮਜਬੂਤੀ ਮਿਲੇ।

ਦੱਸ ਦੇਈਏ ਕਿ ਚੰਦਰ ਆਰੀਆ ਓਨਟਾਰੀਓ ਦੇ ਨੇਪੀਅਨ ਹਲਕੇ ਦੀ ਨੁਮਾਇੰਦਗੀ ਕਰਦੇ ਹਨ। ਉਨ੍ਹਾਂ ਦੀ ਇਸ ਘੋਸ਼ਣਾ ਤੋਂ ਬਾਅਦ ਹੋਰ ਉਮੀਦਵਾਰ ਵੀ ਜਲਦ ਹੀ ਅਧਿਕਾਰਤ ਤੌਰ ’ਤੇ ਪਾਰਟੀ ਲੀਡਰ ਦੇ ਚੋਣ ਮੈਦਾਨ ਵਿਚ ਉਤਰਨ ਦਾ ਐਲਾਨ ਕਰ ਸਕਦੇ ਹਨ।

ਸੰਭਾਵੀ ਉਮਦੀਵਾਰਾਂ ਵਿਚ ਬੈਂਕ ਆਫ ਕੈਨੇਡਾ ਦੇ ਸਾਬਕਾ ਗਵਰਨਰ ਮਾਰਕ ਕਾਰਨੇ ਦਾ ਨਾਮ ਵੀ ਸ਼ਾਮਲ ਹੈ, ਜਿਨ੍ਹਾਂ ਹਾਲ ਹੀ ਵਿਚ ਕਿਹਾ ਸੀ ਕਿ ਉਹ ਲੀਡਰਸ਼ਿਪ ਦੌੜ ਵਿਚ ਸ਼ਾਮਲ ਹੋਣ ਦਾ ਵਿਚਾਰ ਕਰ ਰਹੇ ਹਨ।