12.98C Vancouver 12.98C VancouverAug 2, 2024 7:41 PM - The Canadian Press
ਜੈਸਪਰ ਨੇੜੇ ਲੱਗੀ ਜੰਗਲੀ ਅੱਗ ਕਾਰਨ ਬੈਕਕੰਟਰੀ ਵਿਚ ਰਹਿਣ ਵਾਲੇ ਲੋਕਾਂ ਦਾ ਹਾਈਕਿੰਗ ਨੂੰ ਲੈ ਕੇ ਇਰਾਦਾ ਬਿਲਕੁਲ ਨਹੀਂ ਬਦਲਿਆ। ਇੰਨੇ ਔਖੇ ਸਮੇਂ ਨੂੰ ਦੇਖ ਕੇ ਮੁੜੇ ਲੋਕਾਂ ਦੇ ਹਾਈਕਿੰਗ ਲਈ ਜਜ਼ਬੇ ਨੂੰ ਕੋਈ ਫਰਕ ਨਹੀਂ ਪਿਆ।
ਇੱਥੇ ਰਹਿਣ ਵਾਲੇ ਪਰਿਵਾਰ ਨੇ ਦੱਸਿਆ ਕਿ ਉਹ ਓਲਡਹੋਰਨ ਮਾਉਂਟੇਨ ਕੋਲ ਚਿੱਟੇ ਜੰਗਲੀ ਅੱਗ ਦੇ ਧੂੰਏ ਨੂੰ ਦੇਖ ਕੇ ਹੈਰਾਨ ਜ਼ਰੂਰ ਸਨ ਪਰ ਉਨ੍ਹਾਂ ਨੂੰ ਖਤਰੇ ਵਾਲੀ ਗੱਲ ਨਹੀਂ ਲੱਗੀ।
ਵੰਤਨਾਜਲ, ਉਨ੍ਹਾਂ ਦੀ ਪਤਨੀ ਅਤੇ 13 ਸਾਲਾ ਧੀ ਉਸ ਸਮੇਂ ਟੋਨਕੁਇੰਨ ਵੈਲੀ ਵਿਚ ਹਾਈਕਿੰਗ ਕਰ ਰਹੇ ਸਨ ਜਦ ਜੈਸਪਰ ਨੈਸ਼ਨਲ ਪਾਰਕ ਤੋਂ ਲੋਕਾਂ ਨੂੰ ਬਾਹਰ ਹੋਣ ਲਈ ਹੁਕਮ ਦਿੱਤਾ ਗਿਆ। ਪਾਰਕਸ ਕੈਨੇਡਾ ਮੁਤਾਬਕ ਬੈਕਕੰਟਰੀ ਤੋਂ ਏਅਰ ਅਤੇ ਕਿਸ਼ਤੀਆਂ ਰਾਹੀਂ ਤਕਰੀਬਨ 245 ਲੋਕਾਂ ਨੂੰ ਬਾਹਰ ਕੱਢਿਆ ਗਿਆ, ਜਿਸ ਵਿਚ ਇਹ ਪਰਿਵਾਰ ਵੀ ਸ਼ਾਮਿਲ ਹੈ।
ਔਫੀਸ਼ੀਅਲਜ਼ ਨੇ ਕੈਂਪਰਜ਼ ਨੂੰ ਰਜਿਸਟਰੇਸ਼ਨ ਕਰਵਾਉਣ ਲਈ ਕਿਹਾ ਹੈ ਤਾਂ ਕਿ ਪਤਾ ਲੱਗ ਸਕੇ ਉਹ ਬਚ ਗਏ ਹਨ। ਉਨ੍ਹਾਂ ਨੂੰ ਆਪਣੇ ਪਰਿਵਾਰ ਅਤੇ ਦੋਸਤਾਂ ਨਾਲ ਸੰਪਰਕ ਵਿਚ ਰਹਿਣ ਲਈ ਕਿਹਾ ਗਿਆ ਹੈ।
ਇਸ ਪਰਿਵਾਰ ਨੂੰ ਵੀ ਇੱਥੋਂ ਏਅਰਲਿਫਟ ਕੀਤਾ ਗਿਆ ਅਤੇ ਇਸ ਸਮੇਂ ਉਹ ਐਡਮਿੰਟਨ ਵਿਚ ਹਨ।। ਉਨ੍ਹਾਂ ਕਿਹਾ ਕਿ ਉਹ ਹਾਈਕਿੰਗ ਕਰਨੀ ਕਦੇ ਨਹੀਂ ਛੱਡਣਗੇ।
