25.97C Vancouver 25.97C VancouverMay 27, 2020 9:35 PM -
ਖ਼ਰਾਬ ਮੌਸਮ ਦੇ ਕਾਰਨ NASA ਦੇ ਸਪੇਸਐਕਸ ਦੇ ਇਤਿਹਾਸਿਕ ਲਾਂਚ ਨੂੰ ਪੋਸਟਪੋਨ ਕਰ ਦਿੱਤਾ ਗਿਆ ਹੈ।
ਹੁਣ ਇਹ ਲਾਂਚਿੰਗ ਸ਼ਨੀਵਾਰ ਤੱਕ ਟਾਲ ਦਿੱਤੀ ਗਈ ਹੈ। ਨਾਸਾ ਐਸਟ੍ਰੋਨੌਟਸ ਦੀ ਅਮਰੀਕਾ ਦੀ ਧਰਤੀ ਤੋਂ ਇਹ 9 ਸਾਲ 'ਚ ਪਹਿਲੀ ਲਾਂਚਿੰਗ ਹੋਣੀ ਸੀ।
ਤੂਫਾਨ ਜਿਹੇ ਹਾਲਾਤਾਂ ਦੇ ਵਿਚਾਲੇ ਇਹ ਲਾਂਚਿੰਗ ਅੱਜ ਟਾਲ ਦਿੱਤੀ ਗਈ ਹੈ।
ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਅਤੇ ਉਪ-ਰਾਸ਼ਟਰਪਤੀ ਮਾਈਕ ਪੈਂਸ ਵੀ ਕੇਪ ਕੈਨੈਵਰਲ 'ਚ ਇਸ ਲਾਂਚਿੰਗ ਲਈ ਮੌਜੂਦ ਸਨ।
ਇਸ ਮਿਸ਼ਨ ਨੂੰ ਕਮਰਸ਼ਲ ਸਪੇਸ ਟਰੈਵਲ ਦੇ ਵਪਾਰ ਲਈ ਬੇਹੱਦ ਅਹਿਮ ਮੰਨਿਆ ਜਾ ਰਿਹਾ ਹੈ।
ਇਸ ਤੋਂ ਪਹਿਲਾਂ ਲਾਂਚਿੰਗ ਦੇ ਮੱਦੇਨਜ਼ਰ, ਦੋ ਨਾਸਾ ਐਸਟ੍ਰੋਨੌਟ, ਸਪੇਸਐਕਸ ਰਾਕਿਟ ਸ਼ਿਪ 'ਚ ਦਾਖਿਲ ਹੋ ਗਏ ਸਨ।
ਸਪੇਸ ਵੈਟਰਨ ਡੱਗ ਹਰਲੀ ਅਤੇ ਬੌਬ ਬੈਹਨਕਨ, ਬੁੱਧਵਾਰ ਦੁਪਹਿਰ, ਡਰੈਗਨ ਕੈਪਸੂਲ 'ਚ ਦਾਖਿਲ ਹੋਏ ਸਨ, ਪਰ ਫ਼ਿਲਹਾਲ ਇਸ ਲਾਂਚ ਨੂੰ ਟਾਲ ਦਿੱਤਾ ਗਿਆ ਹੈ।
