16.71C Vancouver 16.71C VancouverJul 31, 2020 3:31 PM -
ਰੀਡੋ ਹਾਲ ਵਿੱਚ ਜ਼ਬਰਦਸਤੀ ਦਾਖਲ ਹੋਣ ਵਾਲੇ ਹਥਿਆਰਬੰਦ ਆਦਮੀ ਨੂੰ ਤਿੰਨ ਹੋਰ ਹਫਤਿਆਂ ਲਈ ਔਂਨਟੈਰੀਓ ਦੀ ਜੇਲ੍ਹ ਵਿੱਚ ਰੱਖਿਆ ਜਾਵੇਗਾ।
ਕੋਰੀ ਹਰਨ ਨੂੰ 2 ਜੁਲਾਈ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਸੀ ਅਤੇ ਹਾਲੇ ਤੱਕ ਉਸ ਦੀ ਬੇਲ ਦੀ ਸੁਣਵਾਈ ਨਹੀਂ ਹੋਈ।
ਅੱਜ ਕੁਝ ਸਮੇਂ ਲਈ ਉਹ ਔਟਵਾ ਵਿੱਚ ਅਦਾਲਤ ਸਾਹਮਣੇ ਪੇਸ਼ ਹੋਇਆ ਅਤੇ ਉਸ ਦੀ ਅਗਲੀ ਪੇਸ਼ੀ ਦੀ ਤਾਰੀਖ 21 ਅਗਸਤ ਨਿਰਧਾਰਿਤ ਕੀਤੀ ਗਈ ਹੈ।
ਮੈਨੀਟੋਬਾ ਦਾ ਮਿਲਟਰੀ ਰਿਜ਼ਰਵਿਸਟ ਹਥਿਆਰਾਂ ਨਾਲ ਸੰਬੰਧਤ 21 ਚਾਰਜਾਂ ਅਤੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਧਮਕਾਉਣ ਦੇ ਇੱਕ ਚਾਰਜ ਦਾ ਸਾਹਮਣਾ ਕਰ ਰਿਹਾ ਹੈ।
ਪੁਲਿਸ ਮੁਤਾਬਕ ਜਦ ਉਸ ਨੂੰ ਗਿਰਫ਼ਤਾਰ ਕੀਤਾ ਗਿਆ ਤਾਂ ਹਰਨ ਰੀਡੋ ਹਾਲ ਦੇ ਗੇਟ ਵਿੱਚ ਦਾਖਲ ਹੋਣ ਤੋਂ ਬਾਅਦ ਉਸ ਸਥਾਨ ਵੱਲ ਜਾ ਰਿਹਾ ਸੀ ਜਿਥੇ ਟਰੂਡੋ ਅਤੇ ਉਨ੍ਹਾਂ ਦਾ ਪਰਿਵਾਰ ਰਹਿੰਦੇ ਆਏ ਹਨ।
ਉਸ ਵਕਤ ਟਰੂਡੋ ਦਾ ਪਰਿਵਾਰ ਅਤੇ ਗਵਰਨਰ ਜਨਰਲ ਜੂਲੀ ਪੈਏਟ ਓਥੇ ਮੌਜੂਦ ਨਹੀਂ ਸਨ।
ਪੁਲਿਸ ਅਨੁਸਾਰ 90 ਮਿੰਟ ਉਸ ਨਾਲ ਗੱਲਬਾਤ ਕਰਨ ਤੋਂ ਬਾਅਦ ਉਸ ਨੂੰ ਗਿਰਫ਼ਤਾਰ ਕੀਤਾ ਗਿਆ।
