8.49C Vancouver 8.49C VancouverJun 8, 2020 11:32 PM -
ਜਾਰਜ ਫਲਾਇਡ ਦੀ ਮੌਤ ਦੇ ਮਾਮਲੇ 'ਚ ਸੈਕਿੰਡ ਡਿਗਰੀ ਕਤਲ ਦੇ ਇਲਜ਼ਾਮਾਂ ਸਮੇਤ ਹੋਰ ਇਲਜ਼ਾਮਾਂ ਦਾ ਸਾਹਮਣਾ ਕਰ ਰਹੇ ਅਫ਼ਸਰ ਦੀ ਅੱਜ ਪਹਿਲੀ ਪੇਸ਼ੀ ਹੋਈ।
ਕਰੀਬ 11 ਮਿੰਟ ਦੀ ਸੁਣਵਾਈ ਦੌਰਾਨ ਵੀਡੀਓ ਰਾਹੀਂ ਹਾਜ਼ਿਰ ਰਹਿਣ ਵਾਲੇ ਡੈਰਿਕ ਚੌਵਿਨ ਜ਼ਿਆਦਾ ਸਮਾਂ ਚੁੱਪੀ ਬਣਾਈ ਰੱਖੀ।
ਅਫ਼ਸਰ ਦੀ ਜ਼ਮਾਨਤ ਦੀ ਰਾਸ਼ੀ $1 ਮਿਲੀਅਨ ਦੀ ਰੱਖੀ ਗਈ ਹੈ।
ਯਾਦ ਰਹੇ ਡੈਰਿਕ ਚੌਵਿਨ ਨਾਮ ਦੇ ਅਫ਼ਸਰ 'ਤੇ ਪਹਿਲਾਂ ਥਰਡ-ਡਿਗਰੀ ਕਤਲ ਅਤੇ ਸੈਕਿੰਡ-ਡਿਗਰੀ ਮੈਨਸਲਾਟਰ (third-degree murder ਅਤੇ second-degree manslaughter) ਦੇ ਇਲਜ਼ਾਮ ਲੱਗੇ ਸਨ, ਜਿੰਨਾ ਵਿੱਚ ਬੀਤੇ ਹਫ਼ਤੇ ਵਾਧਾ ਕੀਤਾ ਗਿਆ ਸੀ।
ਇਸ ਤੋਂ ਪਹਿਲਾਂ ਮੀਨੀਆਪੌਲਿਸ ਦੇ 3 ਸਾਬਕਾ ਪੁਲਿਸ ਅਫ਼ਸਰਾਂ ਦੀ ਜ਼ਮਾਨਤ ਦੇ ਲਈ $7,50,000 ਦੀ ਰਾਸ਼ੀ ਰੱਖੀ ਗਈ ਸੀ।
ਇਨ੍ਹਾਂ ਤਿੰਨਾਂ ਅਫ਼ਸਰਾਂ 'ਤੇ ਜਾਰਜ ਫਲਾਇਡ ਕਤਲ ਮਾਮਲੇ 'ਚ ਏਡਿੰਗ ਅਤੇ ਅਬੈਟਿੰਗ ਦੇ ਇਲਜ਼ਾਮ ਲੱਗੇ ਸਨ। ਕੱਲ ਜਾਰਜ ਫਲਾਇਡ ਦਾ ਫਿਊਨਰਲ ਹੈ।
ਅੱਜ ਜਾਰਜ ਫਲਾਇਡ ਦੇ ਪਰਿਵਾਰ ਵੱਲੋਂ ਦੱਖਣਪੱਛਮੀ ਹੂਸਟਨ 'ਚ ਇੱਕ ਚਰਚ ਵਿੱਚ ਦੋਸਤਾਂ, ਰਿਸ਼ਤੇਦਾਰਾਂ ਅਤੇ ਹੋਰਾਂ ਨਾਲ ਮਿਲਿਆ ਜਾ ਰਿਹਾ ਹੈ ਅਤੇ ਜਾਰਜ ਫਲਾਇਡ ਨੂੰ ਯਾਦ ਕੀਤਾ ਜਾ ਰਿਹਾ ਹੈ।
