ਬੈਂਕ ਆਫ ਕੈਨੇਡਾ ਨੇ ਵਿਆਜ ਦਰਾਂ ਵਿਚ ਲਗਾਤਾਰ ਤੀਜੀ ਵਾਰ ਕੀਤੀ ਕਟੌਤੀ

ਬੈਂਕ ਆਫ ਕੈਨੇਡਾ ਨੇ ਕੈਨੇਡੀਅਨਜ਼ ਨੂੰ ਵੱਡੀ ਰਾਹਤ ਦਿੰਦਿਆਂ ਅੱਜ ਵਿਆਜ ਦਰਾਂ ਵਿਚ 0.25 ਫੀਸਦੀ ਦੀ ਕਟੌਤੀ ਕਰ ਦਿੱਤੀ ਹੈ। ਇਸ ਨਾਲ ਰਾਇਲ ਬੈਂਕ ਆਫ ਕੈਨੇਡਾ ਸਮੇਤ ਛੇ ਵੱਡਾ ਬੈਂਕਾਂ ਵਲੋਂ ਆਪਣੇ ਪ੍ਰਮੁੱਖ ਉਧਾਰ ਦਰਾਂ ਵਿਚ ਤੁਰੰਤ ਕਮੀ ਕੀਤੇ ਜਾਣ ਦੀ ਉਮੀਦ ਹੈ, ਜਿਸ ਨਾਲ ਪਰਿਵਰਤਨਸ਼ੀਲ ਗਹਿਣੇ ਵਾਲੇ ਮਕਾਨ ਮਾਲਕ ਨੂੰ ਤਰੁੰਤ ਰਾਹਤ ਮਿਲੇਗੀ।

ਸੈਂਟਰਲ ਬੈਂਕ ਵਲੋਂ ਇਹ ਲਗਾਤਾਰ ਤੀਜੀ ਕਟੌਤੀ ਹੈ। ਇਸ ਦਾ ਪ੍ਰਮੁੱਖ ਪੌਲਿਸੀ ਰੇਟ ਹੁਣ 4.25 ਫੀਸਦੀ ਹੋ ਗਿਆ ਹੈ। ਦੱਸ ਦੇਈਏ ਕਿ ਜੂਨ ਵਿਚ ਪਹਿਲੇ ਰੇਟ ਕੱਟ ਤੋਂ ਪਹਿਲਾਂ ਸੈਂਟਰਲ ਬੈਂਕ ਦੀ ਵਿਆਜ ਦਰ ਲਗਾਤਾਰ ਸੱਤ ਮਹੀਨੇ 5 ਫੀਸਦੀ ਦਰ ਨਾਲ 22 ਸਾਲਾਂ ਦੇ ਉੱਚ ਪੱਧਰ 'ਤੇ ਰਹੀ ਸੀ।

ਹੁਣ ਤਿੰਨ ਵਾਰ ਕਟੌਤੀ ਨਾਲ ਇਸ ਵਿਚ 75 ਆਧਾਰ ਪੁਆਇੰਟ ਦੀ ਕਮੀ ਹੋ ਗਈ ਹੈ। ਗਵਰਨਰ ਟਿਫ ਮੈਕਲੇਮ ਨੇ ਕਿਹਾ ਕਿ ਜੇ ਆਰਥਿਕਤਾ ਵਿਚ ਸੁਧਾਰ ਜਾਰੀ ਰਿਹਾ ਤਾਂ ਕੈਨੇਡੀਅਨਜ਼ ਇਸ ਸਾਲ ਦੇ ਅੰਤ ਤੱਕ ਹੋਰ ਕਟੌਤੀ ਦੀ ਉਮੀਦ ਕਰ ਸਕਦੇ ਹਨ।

ਇਸ ਵਿਚਕਾਰ ਮਾਰਕੀਟ ਨਿਵੇਸ਼ਕ ਵਲੋਂ ਸੰਭਾਵਨਾ ਜਤਾਈ ਜਾ ਰਹੀ ਹੈ ਕਿ ਬੈਂਕ ਔਫ ਕੈਨੇਡਾ ਜੁਲਾਈ 2025 ਤੱਕ 6 ਦਰਾਂ 'ਚ ਕਟੌਤੀ ਕਰ ਸਕਦਾ ਹੈ, ਜਿਸ ਨਾਲ ਇਸ ਦਾ ਬੈਂਚਮਾਰਕ ਵਿਆਜ ਦਰ 3 ਫੀਸਦੀ ਹੋ ਜਾਵੇਗਾ।