10.89C Vancouver 10.89C VancouverJul 15, 2020 3:41 PM -
ਕੋਵਿਡ -19 ਕਾਰਨ ਅਰਥ ਵਿਵਸਥਾ ਵਿੱਚ ਬਣੀ ਹੋਈ ਅਨਿਸ਼ਚਿਤਤਾ ਨੂੰ ਧਿਆਨ ਵਿੱਚ ਰੱਖਦਿਆਂ ਬੈਂਕ ਆਫ ਕੈਨੇਡਾ ਵੱਲੋਂ ਆਪਣਾ ਇੰਟਰਸਟ ਰੇਟ 0.25 ਫ਼ੀਸਦੀ ਤੇ ਬਰਕਰਾਰ ਰੱਖਿਆ ਜਾਵੇਗਾ।
ਬੈਂਕ ਅਨੁਸਾਰ ਆਰਥਕਤਾ ਵਿੱਚ ਇਸ ਸਾਲ 7.8 ਫ਼ੀਸਦੀ ਦਾ ਘਾਟਾ ਹੋਣ ਦਾ ਅਨੁਮਾਨ ਹੈ।
ਸੈਂਟਰਲ ਬੈਂਕ ਮੁਤਾਬਕ ਮਹਿੰਗਾਈ ਦੀ ਦਰ ਇਸ ਸਾਲ 0.6 ਫ਼ੀਸਦੀ ਰਹੇਗੀ ਅਤੇ 2021 ਵਿੱਚ 1.2 ਫ਼ੀਸਦੀ ਅਤੇ 2022 ਵਿੱਚ 1.7 ਫ਼ੀਸਦੀ ਹੋਣ ਦਾ ਅਨੁਮਾਨ ਹੈ।
ਮਹਿੰਗਾਈ ਦੀ ਦਰ ਦਾ ਟੀਚਾ 2 ਫ਼ੀਸਦੀ ਹੈ ਅਤੇ ਬੈਂਕ ਵੱਲੋਂ ਅਜਿਹਾ ਹੋ ਜਾਣ ਤੱਕ ਮੌਜੂਦਾ ਰੇਟ ਬਰਕਰਾਰ ਰੱਖਿਆ ਜਾਵੇਗਾ।
ਨੋਵਲ ਕਰੋਨਾਵਾਇਰਸ ਦੀ ਆਉਣ ਵਾਲੀ ਦੂਜੀ ਲਹਿਰ ਦੇ ਪ੍ਰਭਾਵ ਕਾਰਨ ਇਨ੍ਹਾਂ ਅਨੁਮਾਨਾਂ ਵਿੱਚ ਤਬਦੀਲੀਆਂ ਵੀ ਹੋ ਸਕਦੀਆਂ ਹਨ।
ਬੈਂਕ ਵੱਲੋਂ ਜਾਰੀ ਕੀਤੇ ਗਏ ਬਿਆਨ ਅਨੁਸਾਰ ਕੋਵਿਡ-19 ਕਾਰਨ ਅਰਥ ਵਿਵਸਥਾ ਉੱਤੇ ਪਏ ਪ੍ਰਭਾਵ ਨੂੰ ਦੇਖਦਿਆਂ ਇੰਟਰਸਟ ਰੇਟ ਨੂੰ ਫਿਲਹਾਲ ਘੱਟ ਰੱਖਣਾ ਜ਼ਰੂਰੀ ਹੈ।
