13.96C Vancouver 13.96C VancouverJun 7, 2023 6:55 PM - The Canadian Press
ਬੈਂਕ ਔਫ ਕੈਨੇਡਾ ਨੇ ਅੱਜ ਵਿਆਜ ਦਰ ਵਿਚ 0.25 ਫੀਸਦੀ ਦਾ ਵਾਧਾ ਕਰ ਦਿੱਤਾ ਹੈ।
ਇਹ ਇਸ ਸਾਲ ਜਨਵਰੀ ਤੋਂ ਬਾਅਦ ਕੀਤਾ ਗਿਆ ਪਹਿਲਾ ਵਾਧਾ ਹੈ।
ਨਵੇਂ ਦਰ ਵਿਚ ਵਾਧੇ ਮਗਰੋਂ ਸੈਂਟਰਲ ਬੈਂਕ ਦੀ ਪ੍ਰਮੁੱਖ ਵਿਆਜ ਦਰ 4.75 ਫੀਸਦੀ ਹੋ ਗਈ ਹੈ।
ਇਸ ਨਾਲ ਹਰ ਤਰ੍ਹਾਂ ਦੇ ਲੋਨ ਮਹਿੰਗੇ ਹੋ ਗਏ ਹਨ।
ਇਸ ਸਾਲ ਮਾਰਚ ਵਿਚ ਹੀ ਸੈਂਟਰਲ ਬੈਂਕ ਨੇ ਦਰ ਵਿਚ ਵਾਧੇ 'ਤੇ ਸ਼ਰਤੀਆ ਵਿਰਾਮ ਲਗਾਈ ਸੀ ਅਤੇ ਅਨੁਮਾਨ ਜਤਾਇਆ ਸੀ ਕਿ ਮਹਿੰਗਾਈ ਨੂੰ ਕਾਬੂ ਕਰਨ ਲਈ ਚੁੱਕੇ ਗਏ ਕਦਮਾਂ ਤਹਿਤ ਕੈਨੇਡੀਅਨ ਆਰਥਿਕਤਾ ਸਲੌ ਹੋਵੇਗੀ ਪਰ ਇਸ ਸਾਲ ਦੀ ਪਹਿਲੇ ਤਿਮਾਹੀ ਵਿਚ ਆਰਥਿਕਤਾ ਸੈਂਟਰਲ ਬੈਂਕ ਦੇ ਅਨੁਮਾਨ ਤੋਂ ਕਿਤੇ ਜ਼ਿਆਦਾ ਰਹੀ ਜਿਸ ਤੋਂ ਬਾਅਦ ਵਿਆਜ ਦਰ ਵਿਚ ਮੁੜ ਵਾਧਾ ਕੀਤਾ ਗਿਆ ਹੈ।
ਸੈਂਟਰਲ ਬੈਂਕ ਨੇ ਸਾਲਾਨਾ ਆਧਾਰ 'ਤੇ ਪਹਿਲੇ ਤਿਮਾਹੀ ਵਿਚ ਆਰਥਿਕਤਾ 2.3 ਫੀਸਦੀ ਦੀ ਦਰ ਨਾਲ ਵਧਣ ਦੀ ਉਮੀਦ ਜਤਾਈ ਸੀ ਪਰ ਇਹ 3.1 ਫੀਸਦੀ 'ਤੇ ਪਹੁੰਚ ਗਈ।
