18.27C Vancouver 18.27C VancouverDec 6, 2023 4:44 PM - The Canadian Press
ਬੈਂਕ ਆਫ ਕੈਨੇਡਾ ਨੇ ਇਸ ਸਾਲ ਦੇ ਅੰਤਿਮ ਫੈਸਲੇ ਵਿੱਚ ਵਿਆਜ ਦਰ ਨੂੰ 5 ਫੀਸਦੀ 'ਤੇ ਬਰਕਰਾਰ ਰਹਿਣ ਦਿੱਤਾ ਹੈ। ਇਹ ਲਗਾਤਾਰ ਤੀਜੀ ਵਾਰ ਹੈ ਜਦੋਂ ਸੈਂਟਰਲ ਬੈਂਕ ਨੇ ਵਿਆਜ ਦਰ ਵਿੱਚ ਕੋਈ ਤਬਦੀਲੀ ਨਹੀਂ ਕੀਤੀ।
ਬੈਂਕ ਆਫ ਕੈਨੇਡਾ ਨੇ ਕਿਹਾ ਕਿ ਹਾਲ ਦੀ ਘੜੀ ਉੱਚੀਆਂ ਵਿਆਜ ਦਰਾਂ ਨੇ ਸਪੱਸ਼ਟ ਤੌਰ 'ਤੇ ਖਰਚ ਨੂੰ ਘੱਟ ਕੀਤਾ ਹੈ ਪਰ ਮਹਿੰਗਾਈ ਨੂੰ ਲੈ ਕੇ ਅਜੇ ਵੀ ਚਿੰਤਾ ਬਰਕਰਾਰ ਹੈ ਅਤੇ ਜੇ ਲੋੜ ਪਈ ਤਾਂ ਬੈਂਕ ਨੀਤੀ ਦਰ ਵਿੱਚ ਅੱਗੇ ਵਾਧਾ ਕਰਨ ਲਈ ਆਪਣੇ ਪਹਿਲੇ ਦੇ ਫੈਸਲੇ 'ਤੇ ਕਾਇਮ ਹੈ।
ਸੈਂਟਰਲ ਬੈਂਕ ਦੀ ਗਵਰਨਿੰਗ ਕੌਂਸਲ ਮਹਿੰਗਾਈ ਵਿੱਚ ਹੋਰ ਗਿਰਾਵਟ ਦੇਖਣਾ ਚਾਹੁੰਦੀ ਹੈ ਜੋ ਅਕਤੂਬਰ ਵਿੱਚ ਘੱਟ ਕੇ 3.1 ਫੀਸਦੀ 'ਤੇ ਦੇਖੀ ਗਈ ਸੀ। ਗੌਰਤਲਬ ਹੈ ਕਿ ਮਹਿੰਗਾਈ ਨੂੰ ਹੇਠਾਂ ਲਿਆਉਣ ਲਈ ਮਾਰਚ 2022 ਤੋਂ ਸੈਂਟਰਲ ਬੈਂਕ ਨੇ ਨੀਤੀ ਦਰ ਵਿੱਚ 4.75 ਫੀਸਦੀ ਅੰਕ ਦਾ ਵਾਧਾ ਕੀਤਾ ਹੈ।
ਪਿਛਲੇ ਸਾਲ ਜੂਨ ਵਿੱਚ ਮਹਿੰਗਾਈ ਦਰ 40 ਸਾਲਾਂ ਦੇ ਉੱਚ ਪੱਧਰ 8.1 ਫੀਸਦੀ 'ਤੇ ਪਹੁੰਚ ਗਈ ਸੀ। ਆਰਥਿਕਤਾ ਅਤੇ ਲੇਬਰ ਮਾਰਕੀਟ ਦੇ ਹਾਲ ਹੀ ਦੇ ਕਮਜ਼ੋਰ ਅੰਕੜਿਆਂ ਕਾਰਨ ਬੈਂਕ ਨੇ ਵਿਆਜ ਦਰ ਵਿੱਚ ਕੋਈ ਵਾਧਾ ਨਹੀਂ ਕੀਤਾ।
