13.92C Vancouver 13.92C VancouverFeb 13, 2024 8:41 PM - The Canadian Press
ਬੀ.ਸੀ. ਸਰਕਾਰ ਵਲੋਂ ਅੱਜ ਇਕ ਨਵੇਂ ਘਰ ਬਣਾਉਣ ਦੇ ਪ੍ਰੋਗਰਾਮ ਦਾ ਐਲਾਨ ਕੀਤਾ ਗਿਆ ਹੈ ਜਿਸ ਵਿਚ ਮੱਧ ਆਮਦਨੀ ਵਾਲੇ ਲੋਕਾਂ ਲਈ ਹਜ਼ਾਰਾਂ ਘਰ ਬਨਾਉਣ ਦਾ ਟੀਚਾ ਰੱਖਿਆ ਗਿਆ ਹੈ।
ਸੂਬੇ ਅਨੁਸਾਰ ਉਸ ਦਾ BC Builds ਪ੍ਰੋਗਰਾਮ ਗੈਰ-ਮੁਨਾਫ਼ਾ, ਸਥਾਨਕ ਸਰਕਾਰਾਂ, ਜਨਤਕ ਏਜੰਸੀਆਂ, ਫਸਟ ਨੇਸ਼ਨਜ਼ ਅਤੇ ਭਾਈਚਾਰਕ ਸਮੂਹਾਂ ਨਾਲ ਸਾਂਝੇਦਾਰੀ ਨਾਲ ਕੰਮ ਕਰੇਗਾ ਤਾਂ ਜੋ ਪਹਿਲਾਂ ਸੂਬੇ ਭਰ ਵਿਚ ਘੱਟ ਵਰਤੋਂ ਵਾਲੀ ਜ਼ਮੀਨ ਦੀ ਪਛਾਣ ਕੀਤੀ ਜਾ ਸਕੇ ਅਤੇ ਫਿਰ ਮੱਧ-ਆਮਦਨ ਵਾਲੇ ਕਿਰਾਏਦਾਰਾਂ ਲਈ ਹੋਰ ਘਰ ਬਣਾਏ ਜਾ ਸਕਣ।
ਇਨ੍ਹਾਂ ਘਰਾਂ ਨੂੰ ਘੱਟ ਲਾਗਤ ਵਾਲੇ ਵਿੱਤ ਰਾਹੀਂ 2 ਬਿਲੀਅਨ ਡਾਲਰ ਤੱਕ ਫੰਡ ਦਿੱਤਾ ਜਾਵੇਗਾ।
ਇਸ ਵਿਚ ਵਿੱਚ ਸੂਬੇ ਤੋਂ ਗ੍ਰਾਂਟਾਂ ਅਤੇ ਸਬਸਿਡੀਆਂ ਦੇ ਰੂਪ ਵਿੱਚ 950 ਮਿਲੀਅਨ ਡਾਲਰ ਦਾ ਨਿਵੇਸ਼ ਕੀਤਾ ਜਾਵੇਗਾ।
ਸੂਬੇ ਅਨੁਸਾਰ ਹੁਣ ਤੱਕ 20 ਤੋਂ ਵੱਧ ਘੱਟ ਵਰਤੋਂ ਵਾਲੀਆਂ ਥਾਵਾਂ ਦੀ ਪਛਾਣ ਕਰ ਲਈ ਗਈ ਹੈ ਅਤੇ BC Builds ਹੁਣ ਵਿਕਾਸ ਭਾਈਵਾਲਾਂ ਦੀ ਭਾਲ ਕਰ ਰਿਹਾ ਹੈ ਜੋ ਨਵੀਆਂ ਕਮਿਊਨਿਟੀ ਇਮਾਰਤਾਂ ਬਣਾਉਣਾ ਚਾਹੁੰਦੇ ਹਨ।
ਇਸ ਸਮੇਂ ਤਿੰਨ ਪ੍ਰੋਜੈਕਟ ਜਾਰੀ ਹਨ ਜੋ 400 ਘਰ ਪ੍ਰਦਾਨ ਕਰਨਗੇ।
ਅਗਲੇ ਦੋ ਸਾਲਾਂ ਵਿੱਚ ਬਾਕੀ ਦੇ 17 ਪ੍ਰੋਜੈਕਟ ਸ਼ੁਰੂ ਹੋਣ ਦੀ ਉਮੀਦ ਕੀਤੀ ਜਾ ਰਹੀ ਹੈ ਕਿ ਜੋ ਲਗਭਗ 3,600 ਹੋਰ ਯੂਨਿਟ ਪ੍ਰਦਾਨ ਕਰਨਗੇ।
