16.49C Vancouver 16.49C VancouverJan 18, 2022 9:33 PM - The Canadian Press
ਬੀ.ਸੀ. 'ਚ ਕੈਲੋਨਾ ਦੇ ਇੱਕ ਪਾਰਕ 'ਚ ਇੱਕ ਆਦਮੀ 'ਤੇ ਕੂਗਰ ਵੱਲੋਂ ਹਮਲਾ ਕੀਤਾ ਗਿਆ ਹੈ।
ਕਥਿਤ ਤੌਰ 'ਤੇ ਪੀੜਤ ਆਦਮੀ ਆਪਣੇ ਕੁੱਤੇ ਨਾਲ ਸੈਰ 'ਤੇ ਨਿਕਲਿਆ ਸੀ ਜਦ ਇੱਕ ਪਾਰਕ 'ਚ ਕੂਗਰ ਨੇ ਆਦਮੀ 'ਤੇ ਝਪੱਟਾ ਮਾਰਿਆ।
ਘਟਨਾ ਵੀਕਐਂਡ ਦੌਰਾਨ ਵਾਪਰੀ ਦੱਸੀ ਗਈ ਹੈ।
ਬੀ.ਸੀ. ਕੰਜ਼ਰਵੇਸ਼ਨ ਆਫਿਸਰਸ ਵੱਲੋਂ ਇਸ ਸੰਬੰਧੀ ਜਾਣਕਾਰੀ ਸੋਮਵਾਰ ਰਾਤ, ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਗਈ ਹੈ।
ਦੱਸਿਆ ਗਿਆ ਕਿ ਆਦਮੀ ਮਿਸ਼ਨ ਕਰੀਕ ਰੀਜਨਲ ਪਾਰਕ ਵਿੱਚ ਐਤਵਾਰ ਸ਼ਾਮ ਕਰੀਬ 6.30 ਵਜੇ ਤੁਰ ਕੇ ਜਾ ਰਿਹਾ ਸੀ।
ਅਚਾਨਕ ਉਸ ਨੇ ਵੇਖਿਆ ਕਿ ਇੱਕ ਕੂਗਰ ਉਨ੍ਹਾਂ ਦਾ ਪਿੱਛਾ ਕਰ ਰਿਹਾ ਹੈ।
ਇਸੇ ਦੌਰਾਨ ਕੂਗਰ ਨੇ ਆਦਮੀ ਅਤੇ ਕੁੱਤੇ 'ਤੇ ਹਮਲਾ ਕੀਤਾ ਪਰ ਆਦਮੀ ਉਸ ਨੂੰ ਡਰਾ ਕੇ ਭਜਾਉਣ 'ਚ ਕਾਮਯਾਬ ਰਿਹਾ।
ਇਸ ਤੋਂ ਬਾਅਦ ਪਾਰਕ ਵਿੱਚ ਜਗ੍ਹਾ-ਜਗ੍ਹਾ ਚੇਤਾਵਨੀ ਦੇ ਚਿੰਨ ਲਗਾ ਦਿੱਤੇ ਗਏ।
ਯਾਦ ਰਹੇ ਬੀਤੇ ਸਾਲ ਬੀ.ਸੀ. 'ਚ ਕੰਜ਼ਰਵੇਸ਼ਨ ਅਫਸਰਾਂ ਨੂੰ ਕੂਗਰਸ ਸੰਬੰਧੀ ਕਰੀਬ 2,300 ਕਾਲਸ ਕੀਤੀਆਂ ਗਈਆਂ ਸਨ।
