12.32C Vancouver 12.32C VancouverFeb 7, 2023 8:11 PM - Connect News
ਬ੍ਰਿਟਿਸ਼ ਕੋਲੰਬੀਆ ਸਰਕਾਰ ਨੇ 30 ਸਤੰਬਰ ਨੂੰ ਨੈਸ਼ਨਲ ਡੇ ਫਾਰ ਤਰੂਥ ਐਂਡ ਰੀਕੋਂਸਿਲੇਸ਼ਨ ਦਿਵਸ ਦੇ ਰੂਪ ਵਿੱਚ ਇੱਕ ਪੇਡ ਕਾਨੂੰਨੀ ਛੁੱਟੀ ਬਣਾਉਣ ਲਈ ਕਾਨੂੰਨ ਪੇਸ਼ ਕੀਤਾ ਹੈ।
ਲੇਬਰ ਮਨਿਸਟਰ ਹੈਰੀ ਬੈਂਸ ਨੇ ਅੱਜ ਵਿਧਾਨ ਸਭਾ ਵਿੱਚ ਇੱਕ ਬਿੱਲ ਪੇਸ਼ ਕਰਦਿਆਂ ਕਿਹਾ ਕਿ ਇਸ ਸਤੰਬਰ ਅਤੇ ਇਸ ਤੋਂ ਬਾਅਦ ਹਰ 30 ਸਤੰਬਰ ਨੂੰ ਛੁੱਟੀ ਮਨਾਈ ਜਾਵੇਗੀ।
ਇਹ ਫੈਸਲਾ ਤਰੂਥ ਐਂਡ ਰੀਕੋਂਸਿਲੇਸ਼ਨ ਕਮਿਸ਼ਨ ਦੁਆਰਾ ਕਾਰਵਾਈ ਕਰਨ ਤੋਂ ਬਾਅਦ ਆਇਆ ਹੈ, ਜਿਸ ਨੇ ਸੰਘੀ ਸਰਕਾਰ ਨੂੰ ਰਿਹਾਇਸ਼ੀ ਸਕੂਲ ਦੇ ਸਰਵਾਈਵਰਸ, ਉਨ੍ਹਾਂ ਦੇ ਪਰਿਵਾਰਾਂ ਅਤੇ ਭਾਈਚਾਰਿਆਂ ਦੇ ਸਨਮਾਨ ਲਈ ਇੱਕ ਦਿਨ ਸਥਾਪਤ ਕਰਨ ਲਈ ਕਿਹਾ ਸੀ।
ਜੇਕਰ ਕਾਨੂੰਨ ਉਮੀਦ ਅਨੁਸਾਰ ਪਾਸ ਹੋ ਜਾਂਦਾ ਹੈ, ਤਾਂ ਬੀ.ਸੀ. ਪ੍ਰਿੰਸ ਐਡਵਰਡ ਆਈਲੈਂਡ, ਨਾਰਥਵੈਸਟ ਟੈਰੀਟਰੀਜ਼, ਨੁਨਾਵੁਤ ਅਤੇ ਯੂਕੋਨ ਸਮੇਤ 30 ਸਤੰਬਰ ਨੂੰ ਕਾਨੂੰਨੀ ਛੁੱਟੀ ਦੀ ਘੋਸ਼ਣਾ ਕਰਨ ਵਿੱਚ ਸ਼ਾਮਲ ਹੋਵੇਗਾ।
ਬੈਂਸ ਨੇ ਕਿਹਾ ਕਿ ਬੀ.ਸੀ. ਕਾਨੂੰਨ ਰਿਹਾਇਸ਼ੀ ਸਕੂਲ ਦੇ ਸਰਵਾਈਵਰਸ ਦੀ ਹਿੰਮਤ ਦਾ ਸਨਮਾਨ ਕਰਦਾ ਹੈ ਅਤੇ ਉਨ੍ਹਾਂ ਬੱਚਿਆਂ ਨੂੰ ਯਾਦ ਕਰਦਾ ਹੈ ਜੋ ਕਦੇ ਘਰ ਵਾਪਿਸ ਨਹੀਂ ਆ ਪਾਏ।
