28.99C Vancouver 28.99C VancouverJun 11, 2025 6:00 PM - The Canadian Press
ਬੀਸੀ ਫੈਰੀਜ਼ ਨੇ ਆਪਣੀ ਅਗਲੀ ਪੀੜ੍ਹੀ ਦੇ 4 ਹਾਈਬ੍ਰਿਡ-ਇਲੈਕਟ੍ਰਿਕ ਯਾਤਰੀ ਜਹਾਜ਼ ਬਣਾਉਣ ਲਈ ਚੀਨੀ ਸਰਕਾਰ ਦੀ ਮਾਲਕੀ ਵਾਲੀ ਇੱਕ ਸ਼ਿਪਯਾਰਡ ਕੰਪਨੀ ਨਾਲ ਕਰਾਰ ਕੀਤਾ ਹੈ।
ਬੀਸੀ ਫੈਰੀਜ਼ ਦਾ ਕਹਿਣਾ ਹੈ ਕਿ ਇਨ੍ਹਾਂ ਚਾਰ ਨਵੇਂ ਜਹਾਜ਼ਾਂ ਦੇ 2029 ਅਤੇ 2031 ਵਿਚਕਾਰ ਸੇਵਾ ਵਿਚ ਆਉਣ ਦੀ ਉਮੀਦ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਹ ਜਹਾਜ਼- ਡੀਜ਼ਲ-ਇਲੈਕਟ੍ਰਿਕ ਹਾਈਬ੍ਰਿਡ ਪ੍ਰੋਪਲਸ਼ਨ ਸਿਸਟਮ ਹੋਣਗੇ ਜੋ ਚਾਰਜਿੰਗ ਇਨਫਰਾਸਟਕਚਰ ਸਥਾਪਿਤ ਹੋਣ 'ਤੇ ਪੂਰੀ ਤਰ੍ਹਾਂ ਨਾਲ ਬਿਜਲੀ 'ਤੇ ਚੱਲ ਸਕਦੇ ਹਨ।
ਉਥੇ ਹੀ, ਬੀਸੀ ਦੇ ਟਰਾਂਸਪੋਰਟ ਮਿਨਿਸਟਰ ਮਾਈਕ ਫਾਰਨਵਰਥ ਨੇ ਬੀਸੀ ਫੈਰੀਜ਼ ਵਲੋਂ ਚੀਨ ਦੀ ਕੰਪਨੀ ਨੂੰ ਜਹਾਜ਼ ਬਣਾਉਣ ਦਾ ਇਕਰਾਰਨਾਮਾ ਦੇਣ ਦੇ ਫੈਸਲੇ 'ਤੇ ਚਿੰਤਾ ਜਤਾਈ ਹੈ। ਫਾਰਨਵਰਥ ਨੇ ਕਿਹਾ ਕਿ ਬੀਸੀ ਫੈਰੀਜ਼ ਇੱਕ ਆਜ਼ਾਦ ਕੰਪਨੀ ਹੈ ਪਰ ਉਹ ਅਜਿਹੇ ਕਿਸੇ ਵੀ ਦੇਸ਼ ਤੋਂ ਸੇਵਾਵਾਂ ਪ੍ਰਾਪਤ ਕਰਨ ਨੂੰ ਲੈ ਕੇ ਚਿੰਤਤ ਹਨ ਜੋ ਟੈਰਿਫ ਅਤੇ ਸੁਰੱਖਿਆਵਾਦ ਦੇ ਮਾਧਿਅਮ ਨਾਲ ਕੈਨੇਡਾ ਦੀ ਅਰਥਵਿਵਸਥਾ ਨੂੰ ਨੁਕਸਾਨ ਪਹੁੰਚਾ ਰਿਹਾ ਹੈ।
