ਵਿੱਤ ਮੰਤਰੀ ਬ੍ਰੇਂਡਾ ਬੇਲੀ ਵਲੋਂ ਭਲਕੇ ਆਪਣੀ ਸਰਕਾਰ ਦਾ ਬਜਟ ਕੀਤਾ ਜਾਵੇਗਾ ਪੇਸ਼

ਬੀ.ਸੀ. ਦੀ ਵਿੱਤ ਮੰਤਰੀ ਬ੍ਰੇਂਡਾ ਬੇਲੀ ਵਲੋਂ ਭਲਕੇ ਆਪਣੀ ਸਰਕਾਰ ਦਾ ਬਜਟ ਪੇਸ਼ ਕੀਤਾ ਜਾਵੇਗਾ, ਇਹ ਕਾਫੀ ਮਹੱਤਵਪੂਰਨ ਹੋਵੇਗਾ ਕਿਉਂਕਿ ਠੀਕ ਉਸੇ ਦਿਨ ਟਰੰਪ ਵਲੋਂ ਕੈਨੇਡਾ 'ਤੇ ਲਗਾਇਆ ਗਿਆ 25 ਫੀਸਦੀ ਟੈਰਿਫ ਵੀ ਲਾਗੂ ਹੋਣ ਦੀ ਉਮੀਦ ਹੈ।

ਇਹ ਬਜਟ ਪ੍ਰੀਮੀਅਰ ਡੇਵਿਡ ਈਬੀ ਲਈ ਵੱਡਾ ਟੈਸਟ ਵੀ ਹੋਵੇਗਾ ਕਿਉਂਕਿ ਉਨ੍ਹਾਂ ਚੋਣ ਪ੍ਰਚਾਰ ਦੌਰਾਨ ਵੱਡੇ-ਵੱਡੇ ਵਾਅਦੇ ਕੀਤੇ ਸਨ, ਈਬੀ ਨੇ ਕਿਹਾ ਸੀ ਕਿ ਸੱਤਾ ਵਿਚ ਦੁਬਾਰਾ ਵਾਪਸੀ 'ਤੇ ਉਨ੍ਹਾਂ ਦੀ ਬੀ.ਸੀ. ਐੱਨ.ਡੀ.ਪੀ. ਸਰਕਾਰ ਨਵੇਂ ਹਸਪਤਾਲ ਬਣਾਏਗੀ, ਰੈਪਿਡ ਟਰਾਂਜ਼ਿਟ ਦਾ ਵਿਸਥਾਰ ਅਤੇ ਸਕੂਲਾਂ ਵਿੱਚ ਨਿਵੇਸ਼ ਕਰੇਗੀ ਪਰ ਟੈਰਿਫ ਦੇ ਖਤਰੇ ਅਤੇ ਸੂਬੇ ਨੂੰ $9.4 ਬਿਲੀਅਨ ਦੇ ਘਾਟੇ ਵਿੱਚੋਂ ਬਾਹਰ ਕੱਢਣ ਦੇ ਦਬਾਅ ਕਾਰਨ ਖ਼ਦਸ਼ਾ ਹੈ ਕਿ ਇਹ ਚੁਣਾਵੀ ਵਾਅਦੇ ਬਜਟ ਤੋਂ ਅਲੋਪ ਰਹਿਣਗੇ।

ਟਰੇਡ ਵਾਰ ਦੀ ਤਿਆਰੀ ਦੇ ਚੱਲਦੇ ਈਬੀ ਸਰਕਾਰ ਪਹਿਲਾਂ ਹੀ ਆਪਣੇ ਲੋਕ ਲੁਭਾਵਣੇ ਚੁਣਾਵੀ ਵਾਅਦੇ $1,000 ਦੀ ਕਰਿਆਨੇ ਦੀ ਛੋਟ ਅਤੇ ਮਿਲਡ ਕਲਾਸ ਲਈ ਟੈਕਸ ਵਿੱਚ ਕਟੌਤੀ ਤੋਂ ਪਿੱਛੇ ਹਟ ਚੁੱਕੀ ਹੈ। ਸੰਭਾਵਨਾ ਹੈ ਕਿ ਸੂਬੇ ਦੀ ਈਬੀ ਸਰਕਾਰ ਬਜਟ ਵਿਚ ਸਿਹਤ ਸੰਭਾਲ, ਕੁਝ ਕਿਫਾਇਤੀ ਅਤੇ ਆਰਥਿਕਤਾ 'ਤੇ ਫੋਕਸ ਕਰੇਗੀ।