13.03C Vancouver 13.03C VancouverFeb 6, 2023 10:27 PM - Connect News
ਅੱਗ ਦੀ ਸਥਿਤੀ ਲਈ ਤਾਇਨਾਤ ਕੀਤਾ ਗਿਆ ਇੱਕ ਬ੍ਰਿਟਿਸ਼ ਕੋਲੰਬੀਆ ਕੰਪਨੀ ਦਾ ਬੋਇੰਗ 737 ਏਅਰ ਟੈਂਕਰ ਪੱਛਮੀ ਆਸਟ੍ਰੇਲੀਆ 'ਚ ਕ੍ਰੈਸ਼ ਹੋ ਗਿਆ ਹੈ।
ਵੈਨਕੂਵਰ ਟਾਪੂ 'ਤੇ ਪੋਰਟ ਅਲਬਰਨੀ ਸਥਿਤ ਕੌਲਸਨ ਐਵੀਏਸ਼ਨ ਦੇ ਬਿਆਨ ਦੇ ਮੁਤਾਬਕ ਦੋਵੇਂ ਪਾਇਲਟ ਹਾਦਸੇ ਵਾਲੀ ਥਾਂ ਤੋਂ ਦੂਰ ਚਲੇ ਗਏ ਅਤੇ ਉਹਨਾਂ ਦਾ ਡਾਕਟਰੀ ਮੁਲਾਂਕਣ ਕੀਤਾ ਗਿਆ ਹੈ।
ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਕੰਪਨੀ ਸਥਾਨਕ ਅਤੇ ਅੰਤਰਰਾਸ਼ਟਰੀ ਕਰੂ ਨੂੰ ਹਰ ਸੰਭਵ ਸਹਾਇਤਾ ਦੀ ਪੇਸ਼ਕਸ਼ ਕਰ ਰਹੀ ਹੈ ਅਤੇ ਆਸਟ੍ਰੇਲੀਆ ਵਿੱਚ ਫਾਇਰਫਾਈਟਿੰਗ ਅਤੇ ਹਵਾਬਾਜ਼ੀ ਉਦਯੋਗ ਦੇ ਸਹਿਯੋਗੀਆਂ ਦੀ ਅਭਾਰੀ ਹੈ।
ਕੌਲਸਨ ਨੇ ਪਿਛਲੇ ਮਹੀਨੇ ਘੋਸ਼ਣਾ ਕੀਤੀ ਸੀ ਕਿ ਉਸ ਨੂੰ ਆਸਟ੍ਰੇਲੀਆ ਦੇ ਨਵੇਂ ਵੱਡੇ ਏਅਰ ਟੈਂਕਰ ਵਜੋਂ ਬੋਇੰਗ 737 ਫਲੈਟਲਾਈਨਰ ਪ੍ਰਦਾਨ ਕਰਨ ਦਾ ਕੰਟ੍ਰੈਕਟ ਮਿਲਿਆ ਸੀ।
ਹਾਲਾਂਕਿ ਇਹ ਅਸਪਸ਼ਟ ਹੈ ਕਿ ਹਾਦਸੇ ਦਾ ਕਾਰਨ ਕੀ ਹੈ, ਆਸਟ੍ਰੇਲੀਆਈ ਬ੍ਰੌਡਕਾਸਟਿੰਗ ਕਾਰਪੋਰੇਸ਼ਨ ਦਾ ਕਹਿਣਾ ਹੈ ਕਿ ਫਾਇਰ ਅਤੇ ਐਮਰਜੈਂਸੀ ਵਿਭਾਗ ਸੇਵਾਵਾਂ ਅਤੇ ਆਸਟ੍ਰੇਲੀਅਨ ਟਰਾਂਸਪੋਰਟ ਸੇਫਟੀ ਬਿਓਰੋ ਹਾਦਸੇ ਦੀ ਵੱਖਰੀ ਜਾਂਚ ਕਰ ਰਹੇ ਹਨ।
