20.52C Vancouver 20.52C VancouverJan 27, 2025 8:13 PM - Connect Newsroom
ਬੀ.ਸੀ. ਗ੍ਰੀਨ ਪਾਰਟੀ ਦੀ ਮੌਜੂਦਾ ਲੀਡਰ ਵਲੋਂ ਭਲਕੇ ਪਾਰਟੀ ਲੀਡਰਸ਼ਿਪ ਵਿਚ ਤਬਦੀਲੀ ਲਈ ਘੋਸ਼ਣਾ ਕੀਤੀ ਜਾ ਸਕਦੀ ਹੈ। ਸੋਨੀਆ ਫੁਰਸਟੇਨੋ ਨੂੰ ਅਕਤੂਬਰ 2024 ਵਿਚ ਹੋਈਆਂ ਵਿਧਾਨ ਸਭਾ ਚੋਣਾਂ ਵਿਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ ਪਰ ਇਸ ਦੇ ਬਾਵਜੂਦ ਪਾਰਟੀ ਦੀ ਕਮਾਨ ਹੁਣ ਤੱਕ ਉਨ੍ਹਾਂ ਦੇ ਹੱਥਾਂ ਵਿਚ ਰਹੀ ਹੈ।
ਫੁਰਸਟੇਨੋ ਪਹਿਲੀ ਵਾਰ 2017 ਵਿਚ ਚੋਣ ਜਿੱਤੀ ਸਨ, ਉਦੋਂ ਉਨ੍ਹਾਂ ਦੀ ਪਾਰਟੀ ਨੇ ਨਿਊ ਡੈਮੋਕਰੇਟ ਨੂੰ ਸਰਕਾਰ ਬਣਾਉਣ ਵਿਚ ਮੁੱਖ ਭੂਮਿਕਾ ਨਿਭਾਈ ਸੀ। ਪਿਛਲੇ ਸਾਲ ਦੀਆਂ ਚੋਣਾਂ ਵਿਚ ਫੁਰਸਟੇਨੋ ਨੇ ਆਪਣੀ ਪੁਰਾਣੀ ਸੀਟ ਕੋਵਿਚਨ ਵੈਲੀ ਛੱਡਦੇ ਹੋਏ ਵਿਕਟੋਰੀਆ-ਬੀਕਨ ਤੋਂ ਚੋਣ ਲੜੀ ਸੀ, ਜਿੱਥੇ ਉਹਨਾਂ ਦੀ ਐਨਡੀਪੀ ਉਮੀਦਵਾਰ ਦੇ ਹੱਥੋਂ ਹਾਰ ਹੋ ਗਈ ਸੀ।
ਜਾਣਕਾਰੀ ਮੁਤਾਬਕ, ਬੀ.ਸੀ. ਗ੍ਰੀਨ ਪਾਰਟੀ ਦੀ ਲੀਡਰ ਸੋਨੀਆ ਫੁਰਸਟੇਨੋ ਭਲਕੇ ਇੱਕ ਪ੍ਰੈਸ ਕਾਨਫਰੰਸ ਕਰਨਗੇ, ਜਿਸ ਵਿਚ ਉਹਨਾਂ ਵਲੋਂ ਪਾਰਟੀ ਲੀਡਰਸ਼ਿਪ ਬਾਰੇ ਮਹੱਤਵਪੂਰਨ ਘੋਸ਼ਣਾ ਕੀਤੀ ਜਾਵੇਗੀ। ਸੰਭਾਵਨਾ ਹੈ ਕਿ ਉਹਨਾਂ ਵਲੋਂ ਪਾਰਟੀ ਦੀ ਪ੍ਰਧਾਨਗੀ ਛੱਡੇ ਜਾਣ ਦੀ ਘੋਸ਼ਣਾ ਕੀਤੀ ਜਾ ਸਕਦੀ ਹੈ, ਜਿਸ ਨਾਲ ਨਵੇਂ ਲੀਡਰ ਦੀ ਚੋਣ ਲਈ ਰਸਤਾ ਖੁੱਲ੍ਹੇਗਾ।
