14.99C Vancouver 14.99C VancouverFeb 17, 2021 8:32 PM -
ਬੀ.ਸੀ. 'ਚ ਇੱਕ ਜੱਜ ਨੇ ਬੀ.ਸੀ. ਸਰਕਾਰ ਦੀ ਫਰੇਜ਼ਰ ਵੈਲੀ ਦੇ ਤਿੰਨ ਚਰਚਾਂ ਖਿਲਾਫ਼ ਇੰਜੰਕਸ਼ਨ ਦੀ ਅਪੀਲ ਨੂੰ ਰੱਦ ਕਰ ਦਿੱਤਾ ਹੈ।
ਇਹਨਾਂ ਚਰਚਾਂ ਬਾਰੇ ਖਬਰਾਂ ਸਨ ਕਿ ਇਥੇ ਕੋਵਿਡ-19 ਦੇ ਨਿਯਮਾਂ ਦੀ ਉਲੰਘਣਾ ਹੋ ਰਹੀ ਸੀ।
ਕਥਿਤ ਤੌਰ 'ਤੇ ਇਹਨਾਂ ਚਰਚਾਂ 'ਚ ਇਨ-ਪਰਸਨ ਗੈਦਰਿੰਗਸ ਯਾਨੀ ਕਿ ਨਿੱਜੀ ਸੇਵਾਵਾਂ ਸੰਬੰਧੀ ਇਕੱਠ ਹੋਏ ਸਨ।
ਬੀ.ਸੀ. ਦੇ ਅਟੌਰਨੀ ਜਨਰਲ ਮੰਤਰਾਲੇ ਅਤੇ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਇੰਜੰਕਸ਼ਨ ਦੀ ਬੇਨਤੀ ਉਸ ਵੇਲੇ ਕੀਤੀ ਸੀ ਜਦ ਚਰਚਾਂ ਨੇ ਪਬੰਦੀਆਂ ਨੂੰ ਚੁਣੌਤੀ ਦੇਣ ਲਈ ਇੱਕ ਪਟੀਸ਼ਨ ਪਾਈ ਸੀ।
ਬੀ.ਸੀ. ਸੁਪ੍ਰੀਮ ਕੋਰਟ (B.C. Supreme Court) ਦੇ ਚੀਫ਼ ਜਸਟਿਸ, ਕ੍ਰਿਸਟੋਫਰ ਹਿੰਕਸਨ (Chief Justice, Christopher Hinkson) ਨੇ ਅੱਜ ਇਹ ਮੰਗ ਠੁਕਰਾ ਦਿੱਤੀ।
ਹਿੰਕਸਨ ਨੇ ਕਿਹਾ ਕਿ ਸਿਹਤ ਨਿਰਦੇਸ਼ਾਂ 'ਚ ਪਹਿਲਾਂ ਹੀ ਸੋਸ਼ਲ ਇਕੱਠਾਂ 'ਤੇ ਪਬੰਦੀ ਹੈ, ਜਿਸ 'ਚ ਧਾਰਮਿਕ ਇਕੱਠ ਵੀ ਸ਼ਾਮਿਲ ਹਨ।
ਉਨ੍ਹਾਂ ਕਿਹਾ ਕਿ ਸੂਬਾ ਸਰਕਾਰ ਕੋਲ ਤਾਕਤ ਹੈ ਕਿ ਲੋੜ ਪੈਣ 'ਤੇ ਪਬੰਦੀਆਂ ਨੂੰ ਲਾਗੂ ਕੀਤਾ ਜਾਵੇ।
