12.24C Vancouver 12.24C VancouverMar 13, 2025 5:27 PM - The Canadian Press
ਬੀ.ਸੀ. ਸਰਕਾਰ ਨੇ ਟਰੰਪ ਦੇ ਸਲਾਹਕਾਰ ਅਤੇ ਕਾਰੋਬਾਰੀ ਈਲੋਨ ਮਸਕ ਦੀ ਕੰਪਨੀ ਟੇਸਲਾ ਨੂੰ ਸੂਬੇ ਵਿਚ ਮਿਲਣ ਵਾਲੀ ਰਿਬੇਟ ਰੋਕ ਦਿੱਤੀ ਹੈ। ਇਸ ਕਦਮ ਤਹਿਤ ਬੀ.ਸੀ. ਹਾਈਡਰੋ ਨੇ ਟੇਸਲਾ ਦੇ ਚਾਰਜਰ, ਊਰਜਾ ਸਟੋਰੇਜ ਬੈਟਰੀਆਂ ਅਤੇ ਇਨਵਰਟਰ ਨੂੰ ਸੂਬੇ ਦੇ ਇਲੈਕਟ੍ਰਿਕ ਵਾਹਨ ਚਾਰਜਰ ਰਿਬੇਟ ਪ੍ਰੋਗਰਾਮ ਤੋਂ ਬਾਹਰ ਕਰ ਦਿੱਤਾ ਹੈ, ਜਿਸ ਤਹਿਤ ਬ੍ਰਿਟਿਸ਼ ਕੋਲੰਬੀਅਨ ਨੂੰ ਆਪਣੇ ਘਰਾਂ ਵਿਚ ਈਵੀ ਚਾਰਜਰ ਖਰੀਦਣ ਅਤੇ ਲਗਵਾਉਣ ਲਈ 350 ਡਾਲਰ ਤੱਕ ਦੀ ਰਿਬੇਟ ਮਿਲਦੀ ਹੈ। ਹੁਣ ਇਸ ਪ੍ਰੋਗਰਾਮ ਲਈ ਟੇਸਲਾ ਉਤਪਾਦ ਯੋਗ ਨਹੀਂ ਹਨ। ਇਹ ਫੈਸਲਾ 12 ਮਾਰਚ ਤੋਂ ਪ੍ਰਭਾਵੀ ਹੋ ਚੁੱਕਾ ਹੈ।
ਹਾਲਾਂਕਿ, ਜਿਨ੍ਹਾਂ ਲੋਕਾਂ ਨੇ ਇਸ ਤੋਂ ਪਹਿਲਾਂ ਟੇਸਲਾ ਦਾ ਕੋਈ ਉਤਪਾਦ ਖਰੀਦਿਆ ਹੈ ਜਾਂ ਪੂਰਵ-ਮਨਜ਼ੂਰੀ ਲਈ ਹੈ ਉਹ ਰਿਬੇਟ ਲਈ ਅਜੇ ਵੀ ਯੋਗ ਹਨ।
ਅਮਰੀਕਾ-ਕੈਨੇਡਾ ਵਪਾਰ ਯੁੱਧ ਵਿਚਕਾਰ ਸੂਬਾਈ ਕਰਾਊਨ ਕਾਰਪੋਰੇਸ਼ਨ ਨੇ ਕਿਹਾ ਕਿ ਉਹ ਆਪਣੇ ਛੋਟ ਪ੍ਰੋਗਰਾਮ ਵਿਚ ਕੈਨੇਡੀਅਨ ਸਾਮਾਨ ਨੂੰ ਸ਼ਾਮਲ ਕਰਨ ਅਤੇ ਜਿੰਨਾ ਸੰਭਵ ਹੋ ਸਕੇ ਅਮਰੀਕੀ ਉਤਪਾਦ ਨੂੰ ਬਾਹਰ ਰੱਖਣ ਲਈ ਕੰਮ ਕਰ ਰਿਹਾ ਹੈ।
