13.32C Vancouver 13.32C VancouverNov 21, 2024 7:00 PM - The Canadian Press
ਬੀ.ਸੀ. ਹਾਈਡਰੋ ਨੇ ਜਾਣਕਾਰੀ ਦਿੱਤੀ ਹੈ ਕਿ ਮੰਗਲਵਾਰ ਤੱਟੀ ਇਲਾਕੇ ਵਿਚ ਆਏ ਬੰਬ ਚੱਕਰਵਾਤ ਮਗਰੋਂ ਕਰੀਬ 300,000 ਲੋਕਾਂ ਨੂੰ ਬਿਨਾਂ ਬਿਜਲੀ ਦੇ ਗੁਜ਼ਾਰਾ ਕਰਨਾ ਪਿਆ। ਬੀਤੀ ਸ਼ਾਮ ਦਿੱਤੀ ਗਈ ਅਪਡੇਸ਼ਨ ਵਿਚ ਦੱਸਿਆ ਗਿਆ ਕਿ ਤੇਜ਼ ਹਵਾਵਾਂ ਕਾਰਨ ਦਰੱਖਤ ਅਤੇ ਖੰਭੇ ਡਿਗੇ ਜਿਸ ਕਰਕੇ ਬਿਜਲੀ ਪ੍ਰਭਾਵਿਤ ਹੋਈ।
ਉਨ੍ਹਾਂ ਦੱਸਿਆ ਕਿ ਵੈਨਕੂਵਰ ਟਾਪੂ ਅਤੇ ਖਾੜੀ ਟਾਪੂ ਵਿਚ 65,000 ਤੋਂ ਵੱਧ ਲੋਕ ਇਸ ਤੰਗੀ ਦਾ ਸਾਹਮਣਾ ਕਰ ਰਹੇ ਹਨ। ਇਸ ਤੂਫਾਨ ਕਾਰਨ ਕੁਝ ਸੜਕਾਂ ਅਤੇ ਹਾਈਵੇਅਜ਼ ਕੂੜੇ ਨਾਲ ਭਰ ਗਏ ਸਨ, ਜਿਨ੍ਹਾਂ ਨੂੰ ਸਾਫ ਕੀਤਾ ਜਾ ਰਿਹਾ ਹੈ।
ਇਸ ਦੇ ਇਲਾਵਾ ਸਮੁੰਦਰੀ ਆਵਾਜਾਈ ਰੁਕਣ ਕਾਰਨ ਕਰੂ ਮੈਂਬਰਜ਼ ਕਵਾਡਰਾ ਅਤੇ ਕੋਰਟੇਸ ਟਾਪੂ ਤੱਕ ਨਹੀਂ ਜਾ ਸਕੇ ਸਨ। ਗੌਰਤਲਬ ਹੈ ਕਿ ਮੰਗਲਵਾਰ ਰਾਤ ਵੈਨਕੂਵਰ ਟਾਪੂ ਵਿਚ 100 ਕਿਲੋ ਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਹਵਾਵਾਂ ਚੱਲੀਆਂ ਸਨ। ਤੂਫਾਨ ਕਾਰਨ ਹੋਏ ਨੁਕਸਾਨ ਬਾਰੇ ਔਫੀਸ਼ੀਅਲਜ਼ ਵਲੋਂ ਜਾਇਜ਼ਾ ਲਿਆ ਜਾ ਰਿਹਾ ਹੈ।
