12.67C Vancouver 12.67C VancouverMar 24, 2025 5:19 PM - Connect Newsroom
ਬੀ.ਸੀ. ਦੇ ਵਿਧਾਨ ਸਭਾ ਸੈਸ਼ਨ ਦੀ ਕਾਰਵਾਈ 31 ਮਾਰਚ ਨੂੰ ਮੁੜ ਸ਼ੁਰੂ ਹੋਣ ਜਾ ਰਹੀ ਹੈ, ਜਿਸ ਦੌਰਾਨ ਸੂਬਾ ਸਰਕਾਰ ਖਪਤਕਾਰ ਕਾਰਬਨ ਟੈਕਸ ਨੂੰ ਹਟਾਉਣ ਲਈ ਬਿੱਲ ਪੇਸ਼ ਕਰੇਗੀ। ਇਸ ਨਾਲ ਸੂਬੇ ਦੇ ਪੰਪਾਂ 'ਤੇ ਗੈਸ ਕੀਮਤਾਂ ਵਿਚ ਲਗਭਗ 17 ਸੈਂਟ ਪ੍ਰਤੀ ਲੀਟਰ ਕਮੀ ਆਉਣ ਦੀ ਉਮੀਦ ਹੈ। ਬੀ.ਸੀ. ਵਿਚ ਕਾਰਬਨ ਦੀ ਕੀਮਤ 2008 ਤੋਂ ਲਾਗੂ ਹੈ।
14 ਮਾਰਚ 2025 ਨੂੰ ਇੱਕ ਨਿਊਜ਼ ਰਿਲੀਜ਼ ਵਿਚ ਬ੍ਰਿਟਿਸ਼ ਕੋਲੰਬੀਆ ਸਰਕਾਰ ਨੇ ਐਲਾਨ ਕੀਤਾ ਸੀ ਕਿ ਉਹ ਫੈਡਰਲ ਸਰਕਾਰ ਦੇ ਨਾਲ ਹੀ ਆਪਣੇ ਸੂਬਾਈ ਖਪਤਕਾਰ ਕਾਰਬਨ ਟੈਕਸ ਨੂੰ 1 ਅਪ੍ਰੈਲ ਨੂੰ ਸਮਾਪਤ ਕਰ ਦੇਵੇਗੀ।
ਹਾਲਾਂਕਿ, ਬੀ. ਸੀ. ਸਰਕਾਰ ਦੇ ਹਾਲ ਹੀ ਦੇ ਬਜਟ ਅਨੁਮਾਨਾਂ ਤੋਂ ਪਤਾ ਚੱਲਦਾ ਹੈ ਕਿ ਖਪਤਕਾਰ ਕਾਰਬਨ ਟੈਕਸ ਦੀ ਸਮਾਪਤੀ ਨਾਲ ਸੂਬਾ ਸਰਕਾਰ ਨੂੰ ਇਸ ਤੋਂ ਮਿਲਣ ਵਾਲੇ ਰੇਵੈਨਿਊ ਵਿਚ ਲਗਭਗ $1.5-ਬਿਲੀਅਨ ਦਾ ਨੁਕਸਾਨ ਹੋਵੇਗਾ। ਬ੍ਰਿਟਿਸ਼ ਕੋਲੰਬੀਆ ਯੂਨੀਵਰਸਿਟੀ ਦੇ ਸੌਡਰ ਸਕੂਲ ਆਫ਼ ਬਿਜ਼ਨਸ ਦੇ ਐਸੋਸੀਏਟ ਪ੍ਰੋਫੈਸਰ ਵਰਨਰ ਐਂਟਵਾਈਲਰ ਨੁਕਸਾਨ ਦੀ ਭਰਪਾਈ ਲਈ ਸੂਬੇ ਨੂੰ ਖਰਚਿਆਂ ਵਿਚ ਕਟੌਤੀ ਜਾਂ ਕਿਤੇ ਹੋਰ ਟੈਕਸ ਵਧਾਉਣ ਦੀ ਲੋੜ ਹੋ ਸਕਦੀ ਹੈ।
