13.63C Vancouver 13.63C VancouverSep 30, 2020 8:49 PM -
ਬੀ.ਸੀ. ਐਨ.ਡੀ.ਪੀ. ਲੀਡਰ ਜੌਨ ਹੌਰਗਨ ਨੇ ਅੱਜ ਸਰੀ ਵਿੱਚ ਆਪਣੇ ਚੋਣ ਪ੍ਰਚਾਰ ਦੌਰਾਨ ਵਾਅਦਾ ਕੀਤਾ ਕਿ ਦੁਬਾਰਾ ਸੱਤਾ ਵਿਚ ਆਉਣ 'ਤੇ ਐਨ.ਡੀ.ਪੀ. ਸਰਕਾਰ ਨਵੀਆਂ ਲੌਂਗ ਟਰਮ ਕੇਅਰ ਫੇਸੀਲੀਟੀਜ਼ ਬਣਾਏਗੀ ਅਤੇ ਯਕੀਨੀ ਬਣਾਏਗੀ ਕਿ ਪ੍ਰਾਈਵੇਟ ਓਪਰੇਟਰਜ਼ ਬਜ਼ੁਰਗਾਂ ਨੂੰ ਉਹ ਦੇਖਭਾਲ ਪ੍ਰਦਾਨ ਕਰਨ ਜਿਸ ਦੇ ਲਈ ਉਨ੍ਹਾਂ ਨੂੰ ਪੈਸੇ ਦਿੱਤੇ ਜਾਂਦੇ ਹਨ।
ਹੌਰਗਨ ਨੇ ਦੱਸਿਆ ਕਿ ਇਸ ਸਬੰਧੀ, ਦਸ ਸਾਲ ਦੀ , $1.4 ਬਿਲੀਅਨ ਦੀ ਇੱਕ ਯੋਜਨਾ ਅਧੀਨ, ਸਿਹਤ ਅਥੌਰਿਤੀਜ਼ ਦੇ ਮਲਕੀਅਤ ਵਾਲੇ ਲੌਂਗ ਟਰਮ ਕੇਅਰ ਹੋਮਜ਼ ਵਿੱਚ, ਇੱਕ ਤੋਂ ਵੱਧ ਬੈੱਡਜ਼ ਵਾਲੇ ਕਮਰਿਆਂ ਦੀ ਥਾਂ 'ਤੇ ਸਿਰਫ਼ ਇੱਕ ਬੈੱਡ ਵਾਲੇ ਕਮਰੇ ਮੁਹੱਈਆ ਕਰਵਾਏ ਜਾਣਗੇ, ਤਾਂ ਜੋ ਇੱਕ ਕਮਰੇ ਵਿੱਚ ਸਿਰਫ਼ ਇੱਕ ਬਜ਼ੁਰਗ ਹੀ ਰਹਿਣ।
ਸਰੀ ਫਲੀਟਵੁੱਡ ਰਾਈਡਿੰਗ ਵਿੱਚ, ਬੀ.ਸੀ. ਲਿਬਰਲ ਉਮੀਦਵਾਰ ਗੈਰੀ ਥਿੰਦ ਦੀ ਚੋਣ ਮੁਹਿੰਮ 'ਤੇ, ਮੇਲ-ਇੰਨ-ਬੈਲੇਟ ਸੰਬੰਧੀ ਕਥਿਤ ਫਰੌਡ ਦੇ ਲੱਗਣ ਵਾਲੇ ਦੋਸ਼ਾਂ ਦੇ ਬਾਰੇ ਹੌਰਗਨ ਨੇ ਕਿਹਾ ਕਿ ਉਨ੍ਹਾਂ ਨੂੰ ਯਕੀਨ ਹੈ ਕਿ ਚੋਣ ਪ੍ਰਕਿਰਿਆ ਸਵਤੰਤਰ ਅਤੇ ਨਿਰਪੱਖ ਹੋਵੇਗੀ।
ਇਸੇ ਮੁੱਦੇ 'ਤੇ ਬੀ.ਸੀ. ਐਨ.ਡੀ.ਪੀ. ਉਮੀਦਵਾਰ ਰਵੀ ਕਾਹਲੋਂ ਦਾ ਅੱਜ ਸਵੇਰ ਸਰੀ ਵਿੱਚ ਹੀ ਗੱਲ ਕਰਦਿਆਂ ਕਹਿਣਾ ਸੀ ਕਿ ਬੀ.ਸੀ. ਲਿਬਰਲ ਪਾਰਟੀ ਦੇ ਲੀਡਰ ਐਨਡਰਿਊ ਵਿਲਕਿਨਸਨ ਨੂੰ ਸਪੱਸ਼ਟ ਕਰਨਾ ਚਾਹੀਦਾ ਹੈ ਕਿ ਬੀ.ਸੀ. ਲਿਬਰਲ ਪਾਰਟੀ ਵਿੱਚ, ਵੱਟਸੈਪ ਐਪਲੀਕੇਸ਼ਨ ਗਰੁੱਪ ਵਿੱਚ ਹੋਣ ਵਾਲੀ ਗੱਲਾਂ ਬਾਰੇ ਹੋਰ ਕੌਣ-ਕੌਣ ਜਾਣਦਾ ਸੀ।
ਦੂਜੇ ਪਾਸੇ ਵਿਲਕਿਨਸਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਇਨ੍ਹਾਂ ਦੋਸ਼ਾਂ ਬਾਰੇ ਕੁਝ ਸਮਾਂ ਪਹਿਲਾਂ ਹੀ ਪਤਾ ਚੱਲਿਆ ਹੈ ਅਤੇ ਉਹ ਉਸ ਸਬੰਧੀ ਬੀ.ਸੀ. ਇਲੈਕਸ਼ਨਜ਼ ਦੁਆਰਾ ਕੀਤੀ ਜਾ ਰਹੀ ਜਾਂਚ ਦਾ ਸਨਮਾਨ ਕਰਨਗੇ।
