ਬੀ.ਸੀ. ਦੇ ਮਰੀਜ਼ਾਂ ਨੂੰ ਐਂਬੂਲੈਂਸ ਵਿਚ ਕਰਨਾ ਪੈ ਸਕਦਾ ਹੈ ਦੇਰੀ ਦਾ ਸਾਹਮਣਾ

ਬੀ.ਸੀ. ਦੇ ਮਰੀਜ਼ਾਂ ਨੂੰ ਐਂਬੂਲੈਂਸ ਵਿਚ ਦੇਰੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਰਿਪੋਰਟਸ ਮੁਤਾਬਕ, ਬੀ.ਸੀ. ਐਮਰਜੈਂਸੀ ਸਿਹਤ ਸੇਵਾਵਾਂ ਵਲੋਂ ਲਾਗਤ ਵਿੱਚ ਕਟੌਤੀ ਦੇ ਕਦਮ ਤਹਿਤ ਓਵਰਟਾਈਮ ’ਤੇ ਨਕੇਲ ਕੱਸੀ ਜਾ ਰਹੀ ਹੈ। ਫਰੰਟ-ਲਾਈਨ ਵਰਕਰ ਨੂੰ ਖਦਸ਼ਾ ਹੈ ਕਿ ਇਸ ਨਾਲ ਮਰੀਜ਼ਾਂ ਨੂੰ ਹੋਰ ਵੀ ਦੇਰੀ ਦਾ ਸਾਹਮਣਾ ਕਰਨਾ ਪਵੇਗਾ।

ਰਿਪੋਰਟਸ ਦੀ ਮੰਨੀਏ ਤਾਂ ਸੂਬੇ ਦਾ ਐਮਰਜੈਂਸੀ ਸਿਹਤ ਡਿਪਾਰਟਮੈਂਟ $200 ਮਿਲੀਅਨ ਦੇ ਬਜਟ ਘਾਟੇ ਨਾਲ ਜੂਝ ਰਿਹਾ ਹੈ। ਪੈਰਾਮੈਡਿਕਸ ਯੂਨੀਅਨ ਦਾ ਕਹਿਣਾ ਹੈ ਕਿ 1 ਜਨਵਰੀ ਨੂੰ ਓਵਰਟਾਈਮ ਨੀਤੀ ਵਿਚ ਕੀਤੇ ਗਏ ਬਦਲਾਵ ਨਾਲ ਫਰੰਟ-ਲਾਈਨ ਵਰਕਰ ’ਤੇ ਬੋਝ ਵੱਧ ਗਿਆ ਹੈ ਕਿਉਂਕਿ ਸਟਾਫ ਦੀ ਕਮੀ ਵਿਚਕਾਰ ਘੱਟ ਕਰਮਚਾਰੀ ਸਥਿਤੀ ਸੰਭਾਲ ਰਹੇ, ਜਿਸ ਨਾਲ ਉਨ੍ਹਾਂ ਦੀ ਸਿਹਤ ’ਤੇ ਵੀ ਵਧੇਰੇ ਅਸਰ ਹੋਣ ਦੀ ਸੰਭਾਵਨਾ ਹੈ।

ਓਧਰ, ਡਿਪਾਰਟਮੈਂਟ ਨੇ ਕਿਹਾ ਕਿ ਓਵਰਟਾਈਮ ਸਟਾਫਿੰਗ ਜ਼ਰੂਰਤਾਂ ਨੂੰ ਪੂਰੀ ਕਰਨ ਵਿਚ ਕੋਈ ਕਾਰਗਾਰ ਤਰੀਕਾ ਨਹੀਂ ਹੈ ਅਤੇ ਜਿੱਥੇ ਵੀ ਜਦੋਂ ਇਸ ਦੀ ਜ਼ਰੂਰਤ ਹੋਵੇਗੀ ਓਵਰਟਾਈਮ ਉਪਲਬਧ ਰਹੇਗਾ।