12.53C Vancouver 12.53C VancouverNov 27, 2020 1:03 AM -
ਬੀ.ਸੀ. 'ਚ ਜੌਨ ਹੌਰਗਨ ਨੇ ਲਗਾਤਾਰ ਦੂਜੀ ਟਰਮ ਲਈ ਅੱਜ ਪ੍ਰੀਮਿਅਰ ਵਜੋਂ ਸਹੁੰ ਚੁੱਕ ਲਈ ਹੈ।
ਲੈਫਟੀਨੈਂਟ ਗਵਰਨਰ ਜੈਨੇਟ ਔਸਟਿਨ ਨੇ ਪ੍ਰੀਮਿਅਰ ਨੂੰ ਸਹੁੰ ਚੁਕਾਈ।
ਅੱਜ ਸਾਰੇ ਕੈਬਿਨੇਟ ਦਾ ਵੀ ਐਲਾਨ ਕੀਤਾ ਜਾ ਰਿਹਾ ਹੈ।
ਇਸ ਸਹੁੰ ਚੁੱਕ ਸਮਾਗਮ ਦੌਰਾਨ ਵਿੱਤ ਮੰਤਰੀ ਵਜੋਂ ਸਿਲੀਨਾ ਰੌਬਿਨਸਨ ਨੇ ਸਹੁੰ ਚੁੱਕੀ ਹੈ।
ਐਜੂਕੇਸ਼ਨ ਮੰਤਰਾਲਾ ਜੈਨੀਫਰ ਵਾਈਟਸਾਈਡ ਵੱਲੋਂ ਸਾਂਭਿਆ ਜਾਵੇਗਾ।
ਇਸ ਦੇ ਨਾਲ ਹੀ ਸਿਹਤ ਮੰਤਰੀ ਦੀ ਜ਼ਿੰਮੇਵਾਰੀ ਇੱਕ ਵਾਰ ਫਿਰ ਐਡਰੀਅਨ ਡਿਕਸ ਦੇ ਹੱਥ ਆਈ ਹੈ।
ਹੈਰੀ ਬੈਂਸ ਨੂੰ ਲੇਬਰ ਮੰਤਰਾਲੇ ਦੀ ਜ਼ਿੰਮੇਵਾਰੀ ਇੱਕ ਵਾਰ ਫਿਰ ਤੋਂ ਸੌਂਪੀ ਗਈ ਹੈ।
ਮਾਈਕ ਫਾਰਨਵਰਥ ਨੂੰ ਮਿਨਿਸਟਰ ਆਫ ਪਬਲਿਕ ਸੇਫਟੀ ਚੁੱਕਿਆ ਗਿਆ ਹੈ।
ਰੌਬ ਫਲੈਮਿੰਗ ਨੂੰ ਟ੍ਰਾਂਸਪੋਰਟੇਸ਼ਨ ਅਤੇ ਇੰਫ੍ਰਾਸਟ੍ਰਕਚਰ ਮੰਤਰਾਲਾ ਸੌਂਪਿਆ ਗਿਆ ਹੈ।
ਬਾਕੀ ਦੇ ਕੈਬਿਨੇਟ 'ਚ ਐਨੇ ਕੈਂਗ ਨੂੰ ਐਡਵਾਂਸਡ ਐਜੂਕੇਸ਼ਨ, ਸਕਿਲਜ਼ ਅਤੇ ਟ੍ਰੇਨਿੰਗ, ਲਾਨਾ ਪੋਫੈਮ ਨੂੰ ਐਗਰੀਕਲਚਰ, ਫੂਡ ਅਤੇ ਫਿਸ਼ਰੀਸ ਮੰਤਰਾਲਾ, ਮਿਟਜ਼ੀ ਡੀਨ ਨੂੰ ਚਿਲਡਰਨ ਅਤੇ ਫੈਮਲੀ ਡਵੈਲਪਮੈਂਟ ਮੰਤਰਾਲਾ ਸੌਂਪਿਆ ਗਿਆ ਹੈ।
ਕੈਟਰੀਨਾ ਚੈਨ ਨੇ ਮਿਨਿਸਟਰ ਆਫ ਸਟੇਟ ਫਾਰ ਚਾਈਲਡਕੇਅਰ ਵਜੋਂ ਸਹੁੰ ਚੁੱਕੀ।
ਬਰੂਸ ਰਾਲਸਟਨ ਨੂੰ ਐਨਰਜੀ ਅਤੇ ਮਾਈਨਸ ਮੰਤਰਾਲੇ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ।
ਨਾਥਨ ਕੁਲਨ ਦੇ ਹਿੱਸੇ ਮਿਨਿਸਟਰ ਆਫ ਸਟੇਟ ਫਾਰ ਲੈਂਡਸ ਐਂਡ ਰੂਰਲ ਡਵੈਲਪਮੈਂਟ ਦੀ ਜ਼ਿੰਮੇਵਾਰੀ ਆਈ ਹੈ।
ਮਰੇ ਰੈਂਕਿਨ ਨੂੰ ਇੰਡੀਜਨਸ ਰਿਲੇਸ਼ਨਸ ਅਤੇ ਰਿਕਨਸੀਲੀਏਸ਼ਨ ਮੰਤਰੀ ਬਣਾਇਆ ਗਿਆ ਹੈ।
ਰਵੀ ਕਾਹਲੋਂ ਨੇ ਮਿਨਿਸਟਰ ਆਫ ਜੌਬਸ ਇਕਨਾਮਿਕ ਰਿਕਵਰੀ ਐਂਡ ਇਨੋਵੇਸ਼ਨ ਵਜੋਂ ਸਹੁੰ ਚੁੱਕੀ ਹੈ।
ਬੌਵਿਨ ਮਾ ਨੂੰ ਮਿਨਿਸਟਰ ਆਫ ਸਟੇਟ ਫਾਰ ਇੰਫ੍ਰਾਸਟ੍ਰਕਚਰ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।
ਯਾਦ ਰਹੇ ਇਸ ਵਾਰ ਦੀਆਂ ਬੀ.ਸੀ. ਦੀਆਂ ਪ੍ਰੋਵਿੰਸ਼ੀਅਲ ਚੋਣਾਂ 'ਚ ਐਨ.ਡੀ.ਪੀ. ਨੂੰ 57 ਸੀਟਾਂ ਹਾਸਿਲ ਹੋਈਆਂ ਸਨ।
