13.92C Vancouver 13.92C VancouverSep 25, 2023 7:15 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਦੇ ਪ੍ਰੀਮੀਅਰ ਡੇਵਿਡ ਈਬੀ ਅਤੇ ਉਨ੍ਹਾਂ ਦੇ ਛੇ ਕੈਬਨਿਟ ਮੰਤਰੀ ਹਾਊਸਿੰਗ, ਜੰਗਲ ਦੀ ਅੱਗ ਅਤੇ ਹੜ੍ਹਾਂ ਸਣੇ ਕਈ ਮੁੱਦਿਆਂ 'ਤੇ ਫੈਡਰਲ ਨੀਤੀ ਨਿਰਮਾਤਾ ਨਾਲ ਮੁਲਾਕਾਤ ਕਰਨ ਲਈ ਦੋ ਦਿਨਾਂ ਲਈ ਓਟਾਵਾ ਵਿੱਚ ਹਨ।
ਈਬੀ ਦੇ ਦਫ਼ਤਰ ਦਾ ਕਹਿਣਾ ਹੈ ਕਿ ਬੀ.ਸੀ. ਵਫ਼ਦ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਸੀਨੀਅਰ ਫੈਡਰਲ ਅਧਿਕਾਰੀਆਂ ਨਾਲ ਕਲੀਨ ਐਨਰਜ਼ੀ ਸੈਕਟਰ ਅਤੇ ਭਾਈਚਾਰਿਆਂ ਵਿੱਚ ਇਨਫਰਾਸਟਰਕਚਰ ਦੀਆਂ ਅਹਿਮ ਲੋੜਾਂ ਲਈ ਸਮਰਥਨ ਬਾਰੇ ਚਰਚਾ ਕਰਨ ਲਈ ਮੁਲਾਕਾਤ ਕਰੇਗਾ।
ਇਸ 'ਚ ਹਾਊਸਿੰਗ ਮੰਤਰੀ ਰਵੀ ਕਾਹਲੋਂ, ਆਰਥਿਕ ਵਿਕਾਸ ਮੰਤਰੀ ਬ੍ਰੈਂਡਾ ਬੇਲੀ, ਟਰਾਂਸਪੋਰਟ ਮੰਤਰੀ ਰੌਬ ਫਲੇਮਿੰਗ, ਅਟਾਰਨੀ ਜਨਰਲ ਨਿੱਕੀ ਸ਼ਰਮਾ, ਸੈਰ-ਸਪਾਟਾ ਮੰਤਰੀ ਲਾਨਾ ਪੋਫਾਮ, ਜਲ, ਭੂਮੀ ਅਤੇ ਸੰਸਾਧਨ ਮੰਤਰੀ ਨਾਥਨ ਕਲੇਨ ਸ਼ਾਮਲ ਹਨ।
ਈਬੀ ਦੀ ਉਸ ਸਮੇਂ ਦੌਰਾ ਕਰ ਰਹੇ ਹਨ ਜਦੋ ਬ੍ਰਿਟਿਸ਼ ਕੋਲੰਬੀਆ ਰਿਕਾਰਡ ਤੋੜਨ ਵਾਲੇ ਜੰਗਲੀ ਅੱਗ ਦੇ ਸੀਜ਼ਨ ਐਂਡ ਦੇ ਨੇੜੇ ਹੈ, ਜਿੱਥੇ 2,200 ਤੋਂ ਵੱਧ ਅੱਗਾਂ ਨੇ ਲਗਭਗ 25,000 ਵਰਗ ਕਿਲੋਮੀਟਰ ਨੂੰ ਸਾੜ ਦਿੱਤਾ ਹੈ।
ਪਿਛਲੇ ਮਹੀਨੇ ਕੈਨੇਡਾ ਦੇ ਪ੍ਰੀਮੀਅਰਾਂ ਨੇ ਟਰੂਡੋ ਨੂੰ ਪੱਤਰ ਲਿਖ ਕੇ ਦੇਸ਼ ਭਰ ਵਿੱਚ ਭਵਿੱਖ ਲਈ ਇਨਫਰਾਸਟਰਕਚਰ ਇਨਵੈਸਟਮੈਂਟ ਬਾਰੇ ਚਰਚਾ ਕਰਨ ਲਈ ਇੱਕ ਮੀਟਿੰਗ ਦੀ ਮੰਗ ਕੀਤੀ ਸੀ।
