20.61C Vancouver 20.61C VancouverJul 22, 2021 3:26 PM -
ਬੀ.ਸੀ ਦੀ ਟੂਰਿਜ਼ਮ ਇੰਡਸਟਰੀ ਹਾਲੇ ਕੋਵਿਡ 19 ਦੇ ਪ੍ਰਭਾਵਾਂ ਤੋਂ ਉੱਭਰੀ ਵੀ ਨਹੀਂ ਸੀ ਕਿ ਹੁਣ ਜੰਗਲੀ ਅੱਗਾਂ ਕਰਕੇ ਇਸ ਇੰਡਸਟਰੀ ਤੇ ਬੁਰਾ ਅਸਰ ਪੈਣਾ ਸ਼ੁਰੂ ਹੋ ਗਿਆ ਹੈ।
ਬੀ ਸੀ ਦੇ ਪ੍ਰੀਮਿਯਰ ਜੋਹਨ ਹੋਰਗਨ ਨੇ ਕਿਹਾ ਕਿ ਓਹ ਇਸ ਮਾੜੇ ਸਮੇਂ ਵਿੱਚ ਇਸ ਇੰਡਸਟਰੀ ਨੂੰ ਸਮਰਥਨ ਦਿੰਦੇ ਰਹਿਣਗੇ।
ਹੋਰਗਨ ਦਾ ਕਹਿਣਾ ਸੀ ਬੀ.ਸੀ ਦੀ ਸਰਕਾਰ ਨੇ ਮਹਾਂਮਾਰੀ ਦੌਰਾਨ ਵਪਾਰੀਆਂ ਅਤੇ ਕਾਮਿਆਂ ਨਾਲ ਬਹੁਤ ਮਜਬੂਤ ਰਿਸ਼ਤਾ ਬਣਾਇਆ ਹੈ ਅਤੇ ਜੋ ਮੱਦਦ ਇਹਨਾਂ ਨੂੰ ਲੋੜੀਂਦੀ ਸੀ ਉਹ ਦਿੱਤੀ ਗਈ।
ਹੋਰਗਨ ਨੇ ਕੱਲ ਕੂਟਨੀੲਜ਼ ਇਲਾਕੇ ਵਿੱਚ ਜੰਗਲੀ ਅੱਗਾਂ ਨੂੰ ਕਾਬੂ ਕਰਨ ਲਈ ਕੀਤੇ ਜਾ ਰਹੇ ਕੰਮ ਦਾ ਜਾਇਜ਼ਾ ਲਿਆ।
ਇਸ ਸਮੇਂ ਸੂਬੇ ਵਿੱਚ 300 ਦੇ ਕਰੀਬ ਜੰਗਲੀ ਅੱਗਾਂ ਜਲ ਰਹੀਆਂ ਹਨ।
ਹਜ਼ਾਰਾਂ ਲੋਕ ਇਸ ਸਮੇਂ ਇਹਨਾਂ ਅੱਗਾਂ ਕਰਕੇ ਆਪਣੇ ਘਰ ਛੱਡਣ ਲਈ ਮਜਬੂਰ ਹਨ।
ਹੁਣ ਮੰਗਲਵਾਰ ਰਾਤ ਅਤੇ ਬੁੱਧਵਾਰ ਨੂੰ ਅਜਿਹੇ ਲੋਕਾਂ ਦੀ ਗਿਣਤੀ ਹੋਰ ਵੱਧ ਗਈ।
ਇਹਨਾਂ ਅੱਗਾਂ ਦੇ ਨੇੜੇ ਰਹਿੰਦੇ ਸੈਂਕੜੇ ਹੋਰ ਲੋਕਾਂ ਨੂੰ ਆਪਣੇ ਘਰ ਖਾਲੀ ਕਰਨ ਲਈ ਮਜਬੂਰ ਹੋਣ ਪਿਆ ਹੈ।
