17.77C Vancouver 17.77C VancouverJan 18, 2023 1:21 AM - Connect News
ਬੀ.ਸੀ. ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਫੈਂਟਾਨਿਲ ਦੀਆਂ ਜਾਨਲੇਵਾ ਸਾਬਿਤ ਹੋ ਸਕਦੀਆਂ 27 ਮਿਲੀਅਨ ਖੁਰਾਕਾਂ ਸਟ੍ਰੀਟਸ 'ਚ ਪਹੁੰਚਣ ਤੋਂ ਬਚਾਅ ਕਰ ਲਿਆ ਗਿਆ ਹੈ।
ਮਾਮਲੇ 'ਚ ਬੀ.ਸੀ. ਦੇ 3 ਆਦਮੀਆਂ 'ਤੇ ਦੋਸ਼ ਲੱਗੇ ਹਨ। ਬੀ.ਸੀ. ਆਰ.ਸੀ.ਐਮ.ਪੀ. ਦੀ ਫੈਡਰਲ ਪੋਲੀਸਿੰਗ ਕਲੈਂਡਸਟਾਈਨ ਲੈਬੋਰੇਟਰੀਸ ਐਨਫੋਰਸਮੈਂਟ ਐਂਡ ਰਿਸਪਾਂਸ ਟੀਮ (ਕਲੀਅਰ) ਵੱਲੋਂ ਇੱਕ ਡਰੱਗ 'ਸੁਪਰ ਲੈਬ' ਨੂੰ ਡਿਸਮੈਂਟਲ (ਅਪਰੇਸ਼ਨ ਰੋਕਣਾ) ਕੀਤਾ ਗਿਆ ਹੈ।
14 ਜਨਵਰੀ ਨੂੰ ਬੀ.ਸੀ. ਆਰ.ਸੀ.ਐਮ.ਪੀ. ਦੀ ਫੈਡਰਲ ਸੀਰੀਅਸ ਐਂਡ ਔਰਗੇਨਾਈਜ਼ਡ ਕਰਾਈਮ (ਐਫ.ਐਸ.ਓ.ਸੀ.) ਪ੍ਰੋਗਰਾਮ ਦੀ ਕਲੀਅਰ ਟੀਮ ਨੇ ਐਬਟਸਫੋਰਡ ਅਤੇ ਸਰ੍ਹੀ 'ਚ ਸਥਿਤ 2 ਪ੍ਰਾਪਰਟੀਆਂ 'ਤੇ ਤਲਾਸ਼ੀ ਵਰੰਟਾਂ ਨੂੰ ਅੰਜਾਮ ਦਿੱਤਾ ਸੀ।
ਮੌਕੇ ਤੋਂ 3 ਲੋਕਾਂ ਨੂੰ ਕਥਿਤ ਡਰੱਗ ਲੈਬ 'ਚ ਸ਼ਾਮਿਲ ਹੋਣ ਲਈ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
ਤਲਾਸ਼ੀ ਦੌਰਾਨ ਐਬਟਸਫੋਰਡ 'ਚ ਇੱਕ ਡਰੱਗ ਲੈਬ ਦਾ ਖੁਲਾਸਾ ਹੋਇਆ ਅਤੇ ਇਸ ਜਗ੍ਹਾ ਸਿੰਥੈਟਿਕ ਆਪ੍ਰੇਸ਼ਨ ਤਹਿਤ ਫੈਂਟਾਨਿਲ, ਐਮ.ਡੀ.ਐਮ.ਏ. (ਐਕਸਟਸੀ) ਅਤੇ ਕੈਨਬਿਸ ਐਕਸਟ੍ਰੈਕਟ ਬਣ ਰਹੇ ਸਨ।
ਲੋਕੇਸ਼ਨ 'ਤੇ ਮੋਬਾਈਲ ਫੈਂਟਾਨਿਲ ਲੈਬ ਅਤੇ 2 ਬੌਕਸ ਵਾਲੇ ਡਰੱਗ ਲੈਬ ਦੀ ਦੱਸੇ ਗਏ।
ਇਸ ਦੇ ਆਕਾਰ ਨੂੰ ਵੇਖਦਿਆਂ ਇਸ ਨੂੰ ਸੁਪਰ ਲੈਬ ਦੱਸਿਆ ਗਿਆ।
ਜਾਣਕਾਰੀ ਦਿੱਤੀ ਗਈ ਕਿ ਅਗਸਤ 2021 'ਚ ਲਾਂਚ ਕੀਤੀ ਗਈ ਜਾਂਚ ਵਿੱਚ 36 ਪਾਉਂਡ ਕ੍ਰਿਸਟਲ ਮੈਥਮਫਿਟਾਮੀਨ, 4kg ਪਿਓਰ ਫੈਂਟਾਨਿਲ, 700 ਪਾਉਂਡ ਤੋਂ ਵਧੇਰੇ ਮੈਰੁਆਨਾ ਬੱਡ, ਕਰੀਬ $20,000 ਕੈਸ਼, ਅਤੇ ਕਈ ਪ੍ਰਕਾਰ ਦੇ ਕੈਮੀਕਲ ਬਰਾਮਦ ਕੀਤੇ ਗਏ ਹਨ।
ਬਰਾਮਦ ਕੀਤੇ ਗਏ ਪਦਾਰਥ ਦੇ ਆਧਾਰ 'ਤੇ ਹੈਲਥ ਕੈਨੇਡਾ ਦਾ ਕਹਿਣਾ ਹੈ ਕਿ ਕਰੀਬ 50kg ਹੋਰ ਫੈਂਟਾਨਿਲ ਬਣਾਈ ਜਾ ਸਕਦੀ ਸੀ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਲੋਕਾਂ ਦੀ ਪਛਾਣ ਬੀ.ਸੀ. ਦੇ ਕੈਵਿਨ ਗੌਨਜ਼ਾਲੇਸ, ਜੈਮਰੋਈ ਇਬਾਰਾ ਅਤੇ ਡੁਕ ਫੰਗ ਵਜੋਂ ਹੋਈ ਹੈ।
