12.42C Vancouver 12.42C VancouverJan 16, 2023 11:25 PM - Connect News
ਬੀ.ਸੀ. ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ (ਆਈ.ਆਈ.ਓ.) ਆਫ ਬੀ.ਸੀ. ਨੂੰ ਕੀਟਿਮੈਟ 'ਚ ਵਾਪਰੀ ਇੱਕ ਘਟਨਾ ਦੀ ਜਾਣਕਾਰੀ ਦਿੱਤੀ ਗਈ ਹੈ ਜਿਸ ਦੌਰਾਨ ਇੱਕ ਆਦਮੀ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ।
ਪੁਲਿਸ ਦਾ ਕਹਿਣਾ ਹੈ ਕਿ 13 ਜਨਵਰੀ ਨੂੰ ਸਵੇਰ ਕਰੀਬ 5.10 ਵਜੇ ਕੀਟਿਮੈਟ ਆਰ.ਸੀ.ਐਮ.ਪੀ. ਨੂੰ ਇੱਕ ਲੋਕਲ ਵਪਾਰ 'ਤੇ ਬਰੇਕ ਐਂਡ ਐਂਟਰ ਦੀ ਜਾਣਕਾਰੀ ਮਿਲੀ ਸੀ।
ਅਫ਼ਸਰ ਮੌਕੇ 'ਤੇ ਪਹੁੰਚੇ ਤਾਂ ਇੱਕ ਵਿਅਕਤੀ ਨੂੰ ਵੱਡਾ ਬੈਗ ਲਿਜਾਂਦੇ ਵੇਖਿਆ ਗਿਆ।
ਪੁਲਿਸ ਮੁਤਾਬਿਕ ਜਦ ਵਿਅਕਤੀ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਉਸ ਨੇ ਬੈਗ ਸੁੱਟ ਕੇ ਭੱਜਣ ਦੀ ਕੋਸ਼ਿਸ਼ ਕੀਤੀ।
ਪੁਲਿਸ ਮੁਤਾਬਿਕ ਵਿਅਕਤੀ ਇਸੇ ਦੌਰਾਨ ਡਿੱਗ ਪਿਆ ਅਤੇ ਉਸ ਨੂੰ ਗੰਭੀਰ ਸੱਟਾਂ ਲੱਗੀਆਂ।
ਘਟਨਾ ਨੂੰ ਬਾਅਦ ਵਿਅਕਤੀ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਆਈ.ਆਈ.ਓ. ਬੀ.ਸੀ. ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ ਕਿ ਵਿਅਕਤੀ ਨੂੰ ਲੱਗੀਆਂ ਸੱਟਾਂ ਲਈ ਪੁਲਿਸ ਦੀ ਕਾਰਵਾਈ ਦਾ ਕਾਰਨ ਨਹੀਂ ਸੀ।
