15.22C Vancouver 15.22C VancouverOct 12, 2021 7:30 PM -
ਬੀ.ਸੀ. ਦੀ ਇੱਕ ਔਰਤ ਦਾ ਆਪਣੇ ਘਰ ਦੀ ਸੁਰੱਖਿਅਤ ਚਾਰ-ਦੀਵਾਰੀ ਅੰਦਰ ਬੈਠਿਆਂ ਹੀ ਇੱਕ ਖਤਰਨਾਕ ਘਟਨਾ ਨਾਲ ਸਾਹਮਣਾ ਹੋ ਗਿਆ।
ਘਟਨਾ ਬੀ.ਸੀ. ਦੇ ਗੋਲਡਨ ਇਲਾਕੇ 'ਚ ਵਾਪਰੀ।
ਇਸ ਇਲਾਕੇ ਦੀ ਰਹਿਣ ਵਾਲੇ ਰੂਥ ਹੈਮਿਲਟਨ ਆਪਣੇ ਘਰ 'ਚ ਮੌਜੂਦ ਸੀ ਜਦ ਇੱਕ ਮਿਟਿਓਰਾਈਟ ਯਾਨੀ ਕਿ ਉਲਕਾ ਉਸ ਦੇ ਘਰ 'ਚ ਆ ਡਿੱਗਿਆ।
ਇਹ ਉਲਕਾ ਘਰ ਦੀ ਛੱਤ ਪੜਦਾ ਹੋਇਆ ਉਸ ਦੇ ਬਿਸਤਰੇ 'ਤੇ ਆ ਡਿੱਗਿਆ।
ਇੱਕ ਅਫ਼ਸਰ ਨੂੰ ਮੌਕੇ 'ਤੇ ਭੇਜਿਆ ਗਿਆ ਅਤੇ ਔਰਤ ਦਾ ਕਹਿਣਾ ਸੀ ਕਿ ਅਫ਼ਸਰ ਨੂੰ ਲੱਗਿਆ ਕਿ ਇਹ ਉਲਕਾ ਨੇੜੇ ਦੀ ਕੰਸਟ੍ਰਕਸ਼ਨ ਸਾਈਟ ਤੋਂ ਘਰ 'ਚ ਡਿੱਗਿਆ ਹੈ।
ਪਰ ਜਲਦੀ ਹੀ ਪਤਾ ਲੱਗਿਆ ਕਿ ਇਹ ਚੱਟਾਨ ਨਹੀਂ ਬਲਕਿ ਇੱਕ ਮਿਟਿਓਰਾਈਟ ਦਾ ਹਿੱਸਾ ਸੀ ਜੋ ਬੀਤੀ ਰਾਤ ਅਸਮਾਨ 'ਚ ਵੇਖਿਆ ਗਿਆ ਸੀ।
ਹੈਮਿਲਟਨ ਨੇ ਕਿਹਾ ਕਿ ਉਸ ਨੂੰ ਸੱਟਫੇਟ ਤੋਂ ਬਚਾਅ ਰਿਹਾ ਅਤੇ ਉਹ ਇਸ ਚੱਟਾਨ ਨੂੰ ਆਪਣੇ ਕੋਲ ਰੱਖਣਾ ਚਾਹੁੰਦੀ ਹੈ।
ਹਾਲਾਂਕਿ ਫਿਲਹਾਲ ਉਸ ਦਾ ਧਿਆਨ ਘਰ ਦੀ ਛੱਤ ਦੀ ਮਰੱਮਤ ਕਰਵਾਉਣ 'ਤੇ ਕੇਂਦਰਿਤ ਹੈ।
