19.69C Vancouver 19.69C VancouverJan 2, 2025 5:39 PM - Connect Newsroom
ਬੀ.ਸੀ. ਦਾ ਨਵਾਂ ਹੋਮ-ਫਲਿਪਿੰਗ ਟੈਕਸ 1 ਜਨਵਰੀ 2025 ਤੋਂ ਲਾਗੂ ਹੋ ਚੁੱਕਾ ਹੈ। ਹੁਣ ਦੋ ਸਾਲਾਂ ਦੇ ਅੰਦਰ ਵੇਚੇ ਗਏ ਘਰਾਂ ਦੇ ਮੁਨਾਫੇ ’ਤੇ ਟੈਕਸ ਲੱਗੇਗਾ। ਜੇ ਕੋਈ ਇੱਕ ਸਾਲ ਦੇ ਅੰਦਰ ਨਵਾਂ ਘਰ ਖਰੀਦ ਕੇ ਵੇਚਦਾ ਹੈ ਤਾਂ ਉਸ ਨੂੰ ਇਸ ਦੇ ਮੁਨਾਫੇ ’ਤੇ 20 ਫੀਸਦੀ ਟੈਕਸ ਦੇਣਾ ਪਵੇਗਾ, ਉਥੇ ਹੀ 18 ਮਹੀਨੇ ਬਾਅਦ ਵੇਚੇ ਜਾਣ ’ਤੇ 10 ਫੀਸਦੀ ਟੈਕਸ ਭਰਨਾ ਹੋਵੇਗਾ।
ਸਿਰਫ ਦੋ ਸਾਲ ਤੋਂ ਬਾਅਦ ਵੇਚੇ ਜਾਣ ਵਾਲੇ ਘਰ ਨੂੰ ਹੋਮ-ਫਲਿਪਿੰਗ ਟੈਕਸ ਤੋਂ ਛੋਟ ਮਿਲੇਗੀ, ਜਾਂ ਇਹ ਛੋਟ ਤਲਾਕ ਜਾਂ ਨੌਕਰੀ ਛੁੱਟਣ ਜਾਂ ਪਰਿਵਾਰਕ ਮੈਂਬਰਸ਼ਿਪ ਵਿਚ ਤਬਦੀਲੀ ਦੀ ਸੂਰਤ ਵਿਚ ਮਿਲੇਗੀ।
ਸੂਬਾ ਸਰਕਾਰ ਨੇ ਇਹ ਕਦਮ ਘਰਾਂ ਨੂੰ ਮੁਨਾਫੇ ਲਈ ਖਰੀਦਣ ਵਾਲੇ ਸੱਟੇਬਾਜ਼ਾਂ ’ਤੇ ਸ਼ਿਕੰਜਾ ਕੱਸਣ ਲਈ ਚੁੱਕਿਆ ਹੈ, ਬੀ.ਸੀ. ਸਰਕਾਰ ਮੁਤਾਬਕ, ਇਸ ਨਾਲ ਪਰਿਵਾਰਾਂ ਨੂੰ ਕਿਫਾਇਤੀ ਘਰ ਖਰੀਦਣ ਵਿਚ ਮਦਦ ਮਿਲੇਗੀ।
