11.92C Vancouver 11.92C VancouverNov 9, 2021 10:35 PM - The Canadian Press
ਬੀ.ਸੀ. 'ਚ ਪੁਲਿਸ ਵਾਚਡੌਗ ਨੂੰ ਸਰੀ 'ਚ ਵਾਪਰੀ ਇੱਕ ਘਟਨਾ ਸੰਬੰਧੀ ਸੂਚਿਤ ਕੀਤਾ ਗਿਆ ਹੈ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਬੀਤੇ ਸ਼ੁੱਕਰਵਾਰ ਸਰੀ 'ਚ ਵਾਪਰੀ ਪੁਲਿਸ ਸੰਬੰਧੀ ਕਾਰਵਾਈ ਦੌਰਾਨ ਇੱਕ ਔਰਤ ਹਸਪਤਾਲ ਪਹੁੰਚ ਗਈ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਔਰਤ ਨੂੰ ਆਊਟਸਟੈਂਡਿੰਗ ਵਾਰੰਟ ਦੇ ਲਈ ਗ੍ਰਿਫਤਾਰ ਕੀਤਾ ਗਿਆ ਸੀ।
ਮੈਡਿਕਲ ਟੀਮ ਵੱਲੋਂ ਹਰੀ ਝੰਡੀ ਤੋਂ ਬਾਅਦ ਇਸ ਔਰਤ ਨੂੰ ਡਿਟੈਚਮੈਂਟ ਲਿਜਾਇਆ ਗਿਆ ਸੀ।
ਇਸ ਤੋਂ ਬਾਅਦ ਐਤਵਾਰ ਸਵੇਰੇ ਇੱਕ ਗਾਰਡ ਨੇ ਵੇਖਿਆ ਕਿ ਔਰਤ ਆਪਣੇ ਸੈੱਲ 'ਚ ਫਰਸ਼ 'ਤੇ ਡਿੱਗੀ ਹੋਈ ਸੀ।
ਬਾਅਦ 'ਚ ਪਤਾ ਲੱਗਿਆ ਕਿ ਔਰਤ ਬੇਹੋਸ਼ ਹੋ ਗਈ ਸੀ।
ਪੁਲਿਸ ਨੇ ਦੱਸਿਆ ਕਿ ਇੱਕ ਨਰਸ ਨੇ ਜੀਵਨ ਬਚਾਉਣ ਲਈ ਜਰੂਰੀ ਪ੍ਰੀਕਿਰਿਆ ਦੀ ਵਰਤੋਂ ਕੀਤੀ ਅਤੇ ਫਿਰ ਗੰਭੀਰ ਹਾਲਤ 'ਚ ਔਰਤ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਹੁਣ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ ਯਾਨੀ ਕਿ ਆਈ.ਆਈ.ਓ. ਵੱਲੋਂ ਜਾਂਚ ਕੀਤੀ ਜਾਵੇਗੀ ਕਿ ਔਰਤ ਦੀ ਇਸ ਹਾਲਤ ਲਈ ਪੁਲਿਸ ਦੀ ਕਾਰਵਾਈ ਤਾਂ ਕਾਰਨ ਨਹੀਂ ਸੀ।
