21.25C Vancouver 21.25C VancouverApr 14, 2020 12:38 AM -
ਬੀ.ਸੀ. ਦੀ ਸਿਹਤ ਅਫਸਰ ਡਾ. ਬੌਨੀ ਹੈਨਰੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਮਿਸ਼ਨ ਦੀ ਫੈਡਰਲ ਜੇਲ੍ਹ 'ਚ ਹੋਏ ਕੋਰੋਨਾ ਵਾਇਰਸ ਦੇ ਆਊਟਬ੍ਰੇਕ ਦੀ ਚਿੰਤਾ ਹੈ।
ਦੇਸ਼ ਦੀਆਂ ਕੁਝ ਫੈਡਰਲ ਜੇਲ੍ਹਾਂ 'ਚ ਵੀ ਵਾਇਰਸ ਦੇ ਮਾਮਲੇ ਉਜਾਗਰ ਹੋਏ ਹਨ ਅਤੇ ਇਸਦੇ ਵਿਚ ਬੀ.ਸੀ. ਦੇ ਮਿਸ਼ਨ ਦਾ ਇੰਸਟੀਟਿਊਸ਼ਨ ਸਭ ਤੋਂ ਵੱਧ ਪ੍ਰਭਾਵਿਤ ਹੈ, ਜਿਥੇ ਵਾਇਰਸ ਸੰਬੰਧੀ ਪੀੜਤਾਂ ਦੀ ਗਿਣਤੀ 35 ਹੋ ਗਈ ਹੈ।
ਯਾਦ ਰਹੇ ਸ਼ਨੀਵਾਰ ਤਕ ਬੀ.ਸੀ. 'ਚ ਮਿਸ਼ਨ ਦੀ ਜੇਲ੍ਹ 'ਚ 26 ਪਾਜੀਟਿਵ ਮਾਮਲੇ ਉਜਾਗਰ ਹੋਏ ਦੱਸੇ ਗਏ ਸਨ।
ਇਸ ਜੇਲ 'ਚ ਕੰਮ ਕਰਦੇ ਕੁਝ ਕ੍ਰੈਕਸ਼ਨਲ ਅਫਸਰ ਵੀ ਵਾਇਰਸ ਤੋਂ ਪੀੜਤ ਪਾਏ ਜਾ ਚੁੱਕੇ ਹਨ।
ਬੀ.ਸੀ. ਦੀ ਸਿਹਤ ਅਫਸਰ ਡਾ. ਬੌਨੀ ਹੈਨਰੀ ਨੇ ਉਚੇਚੇ ਤੌਰ 'ਤੇ ਦੱਸਿਆ ਸੀ ਕਿ ਇਨ੍ਹਾਂ 35 ਮਾਮਲਿਆਂ 'ਚ 8 ਅਜਿਹੇ ਹਨ, ਜਿੰਨਾ ਨੂੰ ਹਸਪਤਾਲ 'ਚ ਦਾਖਿਲ ਕਰਨ ਦੀ ਲੋੜ ਪਈ ਹੈ।
ਉਨ੍ਹਾਂ ਦੱਸਿਆ ਕਿ ਓਕਾਨਾਗਨ ਕ੍ਰੈਕਸ਼ਨਲ ਸੈਂਟਰ 'ਚ ਅਜੇ ਇੱਕ ਹੀ ਮਾਮਲਾ ਸਾਹਮਣੇ ਆਇਆ ਹੈ ਅਤੇ ਇਸ ਸੈਂਟਰ 'ਤੇ ਵੀ ਧਿਆਨ ਕੇਂਦਰਿਤ ਕੀਤਾ ਜਾ ਰਿਹਾ ਹੈ।
