13.62C Vancouver 13.62C VancouverApr 5, 2021 8:22 PM -
ਬੀ.ਸੀ. ਦੇ ਪਬਲਿਕ ਸੇਫਟੀ ਮੰਤਰੀ ਦਾ ਕਹਿਣਾ ਹੈ ਕਿ ਸੂਬੇ ਦੇ ਸਿਹਤ ਨਿਯਮਾਂ ਅਤੇ ਨਿਰਦੇਸ਼ਾਂ ਦੀ ਉਲੰਘਣਾ ਕਰਨ ਵਾਲਿਆਂ ਨੂੰ ਸਖਤੀ ਦਾ ਸਾਹਮਣਾ ਕਰਨਾ ਪਵੇਗਾ।
ਮਾਈਕ ਫਾਰਨਵਰਥ ਨੇ ਇਹ ਚੇਤਾਵਨੀ ਉਸ ਵੇਲੇ ਜਾਰੀ ਕੀਤੀ ਹੈ ਜਦ ਵੈਨਕੂਵਰ ਦੇ 2 ਰੈਸਟੂਰੈਂਟਾਂ ਨੂੰ ਇੰਡੋਰ ਡਾਈਨਿੰਗ ਸੰਬੰਧੀ ਸੇਵਾਵਾਂ ਬੰਦ ਕਰਨ ਦੇ ਨੋਟਿਸ ਜਾਰੀ ਕੀਤੇ ਗਏ ਹਨ।
ਦੋਵਾਂ ਰੈਸਟੂਰੈਂਟਾਂ ਨੂੰ ਬੰਦ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਹਨ।
ਉਨ੍ਹਾਂ ਕਿਹਾ ਕਿ ਵੈਨਕੂਵਰ ਕੋਸਟਲ ਹੈਲਥ, ਜਾਂ ਕਿਸੇ ਵੀ ਹੈਲਥ ਅਥਾਰਿਟੀ ਵੱਲੋਂ ਜਾਰੀ ਬੰਦ ਕਰਨ ਦੇ ਨਿਰਦੇਸ਼ਾਂ (closure orders) ਦੀ ਪਾਲਣਾ ਕਰਨ ਦੀ ਲੋੜ ਹੈ।
ਯਾਦ ਰਹੇ ਵੈਨਕੂਵਰ ਦਾ ਇੱਕ ਰੈਸਟੂਰੈਂਟ (ਕੋਰਡੂਰ ਰੈਸਟੂਰੈਂਟ), ਜਿਸ ਨੂੰ ਸ਼ਨੀਵਾਰ ਨੂੰ ਲੋਕਾਂ ਦੇ ਇਕੱਠ ਵਿਚਾਲੇ ਬੰਦ ਕਰਵਾਇਆ ਗਿਆ ਸੀ, ਉਨ੍ਹਾਂ ਇੱਕ ਔਨਲਾਈਨ ਪੋਸਟ 'ਚ ਲਿਖਿਆ ਸੀ ਕਿ 2 ਦਿਨ ਲਈ ਬੰਦ ਰਹਿਣ ਤੋਂ ਬਾਅਦ ਇਹ ਫਿਰ ਤੋਂ ਸੇਵਾਵਾਂ ਸ਼ੁਰੂ ਕਰਨਗੇ।
