20.26C Vancouver 20.26C VancouverAug 11, 2020 10:20 PM -
ਅਮਰੀਕਾ ਦੀ ਰਾਸ਼ਟਰਪਤੀ ਦੌੜ 'ਚ ਅਹਿਮ ਦਾਅਵੇਦਾਰ ਜੋ ਬਾਈਡਨ ਨੇ ਅੱਜ ਆਪਣੇ ਰਨਿੰਗ ਮੇਟ ਦਾ ਐਲਾਨ ਕਰ ਦਿੱਤਾ ਹੈ।
ਕੈਲੀਫੋਰਨੀਆ ਤੋਂ ਸੈਨੇਟਰ ਕਮਲਾ ਹੈਰਿਸ ਨੂੰ ਰਨਿੰਗ ਮੇਟ ਵਜੋਂ ਚੁਣਿਆ ਗਿਆ ਹੈ।
ਇਸ ਨੂੰ ਇਤਿਹਾਸਿਕ ਫ਼ੈਸਲਾ ਦੱਸਿਆ ਜਾ ਰਿਹਾ ਹੈ, ਜਿਸ ਤੋਂ ਬਾਅਦ ਇਕ ਸਿਆਹ ਰੰਗ ਦੀ ਔਰਤ ਪਹਿਲੀ ਵਾਰ ਕਿਸੇ ਵੱਡੀ ਪਾਰਟੀ ਦੇ ਰਾਸ਼ਟਰਪਤੀ ਟਿਕਟ 'ਤੇ ਸਾਹਮਣੇ ਆਵੇਗੀ।
ਡੌਨਲਡ ਟ੍ਰੰਪ ਨੂੰ ਮਾਤ ਦੇਣ ਲਈ ਇਸ ਫ਼ੈਸਲੇ ਤੋਂ ਬਾਅਦ, ਸਿਆਹ ਰੰਗ ਦੇ ਲੋਕਾਂ ਦੇ ਵੋਟ 'ਤੇ ਪ੍ਰਭਾਵ ਪੈਣ ਦੀ ਸੰਭਾਵਨਾ ਮੰਨੀ ਜਾ ਰਹੀ ਹੈ।
55 ਸਾਲਾ ਹੈਰਿਸ ਪਾਰਟੀ ਦੇ ਪ੍ਰਮੁੱਖ ਚਿਹਰਿਆਂ ਵਿੱਚੋਂ ਇੱਕ ਮੰਨੀ ਜਾਂਦੀ ਹਨ, ਅਤੇ ਹੁਣ ਉਨ੍ਹਾਂ ਨੂੰ ਉਪ ਰਾਸ਼ਟਰਪਤੀ ਦੇ ਅਹੁਦੇ ਲਈ ਸਾਹਮਣੇ ਲਿਆਂਦਾ ਗਿਆ ਹੈ।
ਹਾਲਾਂਕਿ ਕਮਲਾ ਹੈਰਿਸ ਨੇ ਰਾਸ਼ਟਰਪਤੀ ਦੌੜ ਦੌਰਾਨ ਜੋ ਬਾਈਡਨ ਨੂੰ ਸਖਤ ਟੱਕਰ ਦਿੱਤੀ ਸੀ।
ਯਾਦ ਰਹੇ ਅਮਰੀਕਾ 'ਚ ਹਾਲ ਦੀ ਘੜੀ ਇੱਕ ਪਾਸੇ ਕੋਰੋਨਾ ਵਾਇਰਸ ਕਾਰਨ ਸੰਕਟ ਦਾ ਮਾਹੌਲ ਬਣਿਆ ਹੋਇਆ ਹੈ, ਅਤੇ ਦੂਜੇ ਪਾਸੇ ਵੱਡੀ ਗਿਣਤੀ 'ਚ ਲੋਕ ਨਸਲਵਾਦ ਦੇ ਖਿਲਾਫ਼ ਆਵਾਜ਼ ਬੁਲੰਦ ਕਰ ਰਹੇ ਹਨ।
ਟ੍ਰੰਪ ਸਰਕਾਰ ਵੱਲੋਂ ਜਿਸ ਤਰੀਕੇ ਨਾਲ ਸੰਕਟਾਂ ਨਾਲ ਨਜਿੱਠਿਆ ਜਾ ਰਿਹਾ ਹੈ, ਉਸ ਦੇ ਚਲਦਿਆਂ ਬਾਈਡਨ ਦੀ ਮੁਹਿੰਮ ਨੂੰ ਹੁਲਾਰਾ ਮਿਲਿਆ ਮੰਨਿਆ ਜਾ ਰਿਹਾ ਹੈ।
