19.82C Vancouver 19.82C VancouverJun 28, 2024 4:04 PM - The Canadian Press
ਅਮਰੀਕਾ ਵਿਚ ਰਾਸ਼ਟਰਪਤੀ ਚੋਣਾਂ ਤੋਂ ਪਹਿਲਾਂ ਜੋ ਬਾਈਡੇਨ ਅਤੇ ਡੋਨਾਲਡ ਟਰੰਪ ਵਿਚਕਾਰ ਹੋਈ ਪਹਿਲੀ ਰਾਸ਼ਟਰਪਤੀ ਬਹਿਸ ਵਿਚ ਟਰੰਪ ਬਾਜ਼ੀ ਮਾਰ ਗਏ ਹਨ।
75-ਮਿੰਟ ਦੀ ਡਿਬੇਟ ਤੋਂ ਬਾਅਦ ਅਮਰੀਕਾ ਦੇ ਸਭ ਤੋਂ ਵੱਡੇ ਮੀਡੀਆ ਹਾਊਸ ਨਿਊਯਾਰਕ ਟਾਈਮਜ਼, ਵਾਸ਼ਿੰਗਟਨ ਪੋਸਟ ਅਤੇ ਡਿਬੇਟ ਹੋਸਟ ਕਰਨ ਵਾਲੇ ਸੀ.ਐੱਨ.ਐੱਨ. ਨੇ ਇਸ ਵਿਚ ਟਰੰਪ ਨੂੰ ਜੇਤੂ ਕਰਾਰ ਦਿੱਤਾ।
ਵਿਸ਼ਲੇਸ਼ਕਾਂ ਨੇ ਕਿਹਾ ਕਿ ਬਹਿਸ ਦੌਰਾਨ ਬਾਈਡੇਨ ਵਾਰ-ਵਾਰ ਆਪਣੀ ਗੱਲ ਰੱਖਣ ਵਿਚ ਅਟਕ ਰਹੇ ਸਨ, ਉਹ ਲਗਾਤਾਰ ਖੰਘ ਰਹੇ ਸਨ ਅਤੇ ਟਰੰਪ ਦੇ ਦੋਸ਼ਾਂ ਦਾ ਜਵਾਬ ਦੇਣ ਨਹੀਂ ਦੇ ਪਾ ਰਹੇ ਸਨ।
ਨਿਊਯਾਰਕ ਟਾਈਮਜ਼ ਮੁਤਾਬਕ ਬਾਈਡੇਨ ਦੇ ਇਸ ਪ੍ਰਦਰਸ਼ਨ ਤੋਂ ਬਾਅਦ ਡੈਮੋਕ੍ਰੇਟਿਕ ਪਾਰਟੀ ਦੇ ਨੇਤਾ ਰਾਸ਼ਟਰਪਤੀ ਦੇ ਅਹੁਦੇ ਲਈ ਉਨ੍ਹਾਂ ਦੀ ਉਮੀਦਵਾਰੀ ’ਤੇ ਸਵਾਲ ਉਠਾ ਰਹੇ ਹਨ।
ਉਹ ਖਦਸ਼ਾ ਜਤਾ ਰਹੇ ਹਨ ਕਿ ਬਾਈਡੇਨ ਇਲੈਕਸ਼ਨ ਤੋਂ ਪਹਿਲਾਂ ਅਗਲੇ 4 ਮਹੀਨੇ ਹੋਣ ਵਾਲੀ ਚੋਣ ਪ੍ਰਚਾਰ ਮੁਹਿੰਮ ਨੂੰ ਸਹੀ ਢੰਗ ਨਾਲ ਪੂਰਾ ਨਹੀਂ ਕਰ ਸਕਣਗੇ। ਸੀ.ਐੱਨ.ਐੱਨ. ਦੇ ਪੋਲ ਵਿਚ 67 ਫੀਸਦੀ ਲੋਕਾਂ ਨੇ ਟਰੰਪ ਨੂੰ ਜੇਤੂ ਮੰਨਿਆ, ਜਦੋਂ ਕਿ 33 ਫੀਸਦੀ ਲੋਕਾਂ ਨੇ ਬਾਈਡੇਨ ਦੀ ਸਪੋਰਟ ਕੀਤੀ।
