11.59C Vancouver 11.59C VancouverApr 10, 2020 7:19 PM -
ਕਿਊਬੈਕ 'ਚ ਕੋਰੋਨਾ ਵਾਇਰਸ ਨਾਲ ਪੀੜਤ ਲੋਕਾਂ ਦੀ ਗਿਣਤੀ 11,677 ਤਕਪਹੁੰਚ ਗਈ ਹੈ।
ਸੂਬੇ 'ਚ 25 ਹੋਰ ਵਾਇਰਸ ਪੀੜਤਾਂ ਦੇ ਦਮ ਤੋੜਨ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ, ਜਿਸਦੇ ਨਾਲ ਸੂਬੇ 'ਚ ਜਾਨ ਗਵਾਉਣ ਵਾਲੇ ਵਾਇਰਸ ਪੀੜਤਾਂ ਦੀ ਗਿਣਤੀ 241 ਤਕ ਪਹੁੰਚ ਗਈ ਹੈ।
ਪ੍ਰੀਮਿਅਰ ਫ੍ਰਾਂਸੂਆ ਲੈਗੌਲਟ ਦਾ ਕਹਿਣਾ ਹੈ ਕਿ ਸੂਬੇ 'ਚ ਵਧਦੇ ਮਾਮਲਿਆਂ ਦੇ ਵਿਚਾਲੇ, ਕੁਝ ਆਸਾਰ ਨਜਰ ਆ ਰਹੇ ਹਨ ਕਿ ਸਾਹਮਣੇ ਆ ਰਹੇ ਮਾਮਲੇ ਹੁਣ ਸਟੇਬਲ ਹੋ ਗਏ ਹਨ, ਯਾਨੀ ਕਿ ਇੱਕ ਖਾਸ ਅੰਕੜੇ ਤਕ ਟਿਕ ਗਏ ਹਨ।
ਉਨ੍ਹਾਂ ਕਿਹਾ ਕਿ ਸੂਬੇ ਦੇ 733 ਲੋਕ ਹਸਪਤਾਲ 'ਚ ਦਾਖਿਲ ਹਨ ਪਰ ਆਈ.ਸੀ.ਯੂ. 'ਚ ਦਾਖਿਲ ਲੋਕਾਂ ਦੀ ਗਿਣਤੀ 196 ਤੋਂ ਘਟ ਕੇ 186 ਹੋਈ ਹੈ।
ਪ੍ਰੀਮਿਅਰ ਦਾ ਕਹਿਣਾ ਸੀ ਕਿ ਸੂਬੇ ਦੇ ਸਿਹਤ ਅਧਿਕਾਰੀਆਂ ਨੂੰ ਯਕੀਨ ਹੈ ਕਿ, ਫਿਜੀਕਲ ਡਿਸਟੈਨਸਿੰਗ ਜਿਹੇ ਕਦਮਾਂ ਦਾ ਅਸਰ ਵਿਖਣਾ ਸ਼ੁਰੂ ਹੋ ਗਿਆ ਹੈ।
ਉਨ੍ਹਾਂ ਇੱਕ ਵਾਰ ਫੇਰ ਦੋਹਰਾਇਆ ਕਿ ਆਉਣ ਵਾਲੇ ਦਿਨਾਂ 'ਚ ਇਕਾਨਮੀ ਨੂੰ ਅੱਗੇ ਵਧਾਉਣ ਲਈ ਕੁਝ ਉਪਰਾਲੇ ਕੀਤੇ ਜਾਣਗੇ।
ਉਨ੍ਹਾਂ ਸੂਬੇ ਦੇ ਲੋਕਾਂ ਨੂੰ ਕਿਹਾ ਕਿ ਚੰਗੇ ਦਿਨ ਸਭ ਦੀ ਉਡੀਕ ਕਰ ਰਹੇ ਹਨ।
