11.2C Vancouver 11.2C VancouverDec 1, 2021 9:40 PM - The Canadian Press, translated by Connect News
ਸਰਕਾਰ ਵੱਲੋਂ ਪੇਸ਼ ਕੀਤਾ ਗਿਆ ਕੰਵਰਜ਼ਨ ਥੈਰੇਪੀ ਦੇ ਬੈਨ ਲਗਾਉਣ ਵਾਲਾ ਬਿੱਲ ਹਾਊਸ 'ਚ ਪਾਸ ਹੋ ਗਿਆ ਹੈ।
ਹਾਊਸ ਆਫ ਕਾਮਨਜ਼ 'ਚ ਮਨਜ਼ੂਰੀ ਮਿਲਣ ਤੋਂ ਬਾਅਦ ਹੁਣ ਇਸ ਕਨੂੰਨ ਨੂੰ ਸੈਨੇਟ ਦੇ ਮਨਜ਼ੂਰੀ ਲਈ ਭੇਜਿਆ ਗਿਆ ਹੈ।
ਬਿੱਲ ਸੀ-4 ਨੂੰ ਲੈਜਿਸਲੇਟਿਵ ਸਟੇਜਿਸ ਰਾਹੀਂ ਫਾਸਟ-ਟਰੈਕ ਕੀਤਾ ਗਿਆ ਸੀ।
ਕੰਜ਼ਰਵੇਟਿਵ ਰੌਬ ਮੂਰ ਨੇ ਇਸ ਨੂੰ ਫਾਸਟ ਟਰੈਕ ਕਰਨ ਦਾ ਮਤਾ ਪੇਸ਼ ਕੀਤਾ ਸੀ ਅਤੇ ਇਸ 'ਤੇ ਮੈਂਬਰ ਪਾਰਲੀਅਮੈਂਟਸ ਨੇ ਸਰਬਸੰਮਤੀ ਜ਼ਾਹਿਰ ਕੀਤੀ ਸੀ।
ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੇ ਵੀ ਵਾਅਦਾ ਕੀਤਾ ਸੀ ਕਿ ਉਨ੍ਹਾਂ ਦੀ ਪਾਰਟੀ ਦੇ ਐਮ.ਪੀ. ਇਸ ਕਨੂੰਨ ਨੂੰ ਪਾਸ ਕਰਨ 'ਚ ਸਹਿਯੋਗ ਦੇਣਗੇ।
ਇਸ ਥੈਰੇਪੀ ਰਾਹੀਂ ਕਿਸੇ ਵਿਅਕਤੀ ਦੀ ਸੈਕਸ਼ੁਅਲ ਓਰੀਐਂਟੇਸ਼ਨ ਜਾਂ ਜੈਂਡਰ ਆਈਡੈਂਟਟੀ ਨੂੰ ਬਦਲਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ।
ਇਸ ਥੈਰੇਪੀ ਦੀ ਵੱਡੇ ਪੱਧਰ 'ਤੇ ਨਿਖੇਧੀ ਹੁੰਦੀ ਰਹੀ ਹੈ।
ਇਸੇ ਹਫ਼ਤੇ ਲਿਬਰਲਸ ਵੱਲੋਂ ਇਸ ਪ੍ਰੀਕਿਰਿਆ ਨੂੰ ਅਪਰਾਧਿਕ ਬਣਾਉਣ ਲਈ ਹਾਊਸ ਆਫ ਕਾਮਨਜ਼ 'ਚ ਬਿੱਲ ਪੇਸ਼ ਕੀਤਾ ਸੀ।
ਇਸ ਸੰਬੰਧੀ ਪਹਿਲਾ ਬਿੱਲ ਉਸ ਵੇਲੇ ਰੱਦ ਹੋ ਗਿਆ ਸੀ ਜਦ ਸਾਲ 2020 'ਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਪਾਰਲੀਅਮੈਂਟ ਨੂੰ ਪਰੋਰੋਗ ਕਰ ਦਿੱਤਾ ਸੀ।
ਦੂਜੀ ਵਾਰ ਇਸ ਬਿੱਲ ਨੂੰ ਸੈਨੇਟ ਦੀ ਮਨਜ਼ੂਰੀ ਨਹੀਂ ਮਿਲੀ ਸੀ।
