ਸਿਆਸੀ ਲਾਭ ਲੈਣ ਦੀ ਭਾਜਪਾ ਦੀ ਮਾਨਸਿਕਤਾ ਨਿੰਦਣਯੋਗ: ਚਰਨਜੀਤ ਸਿੰਘ ਚੰਨੀ

ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਵਲੋਂ ਜੰਮੂ-ਕਸ਼ਮੀਰ ਦੇ ਪੁੰਛ ਵਿਚ ਭਾਰਤੀ ਹਵਾਈ ਫੌਜ ਦੇ ਵਾਹਨ ’ਤੇ ਹੋਏ ਅੱਤਵਾਦੀ ਹਮਲੇ ਨੂੰ ਭਾਜਪਾ ਦਾ ‘ਸਟੰਟ’ ਕਰਾਰ ਦਿੱਤੇ ਜਾਣ ਨਾਲ ਰਾਜਨੀਤੀ ਗਰਮਾ ਗਈ ਹੈ।

ਹਾਲਾਂਕਿ, ਸਾਬਕਾ ਸੀ.ਐਮ ਨੇ ਸਫਾਈ ਦਿੱਤੀ ਕਿ ਮੈਂ ਇਸ ਨੂੰ ਸਟੰਟ ਇਸ ਲਈ ਕਿਹਾ ਕਿ ਕਿਉਂਕਿ ਹਰ ਵਾਰ ਅਜਿਹੇ ਹਮਲੇ ਪੋਲੀਟੀਕਲੀ ਸਟੰਟ ਬਣਾ ਕੇ ਪੇਸ਼ ਕੀਤੇ ਜਾਂਦੇ ਹਨ। ਉਥੇ ਹੀ, ਇਸ ’ਤੇ ਭਾਜਪਾ ਦੇ ਨੇਤਾ ਅਨੁਰਾਗ ਠਾਕੁਰ ਨੇ ਪਲਟਵਾਰ ਕੀਤਾ, ਉਨ੍ਹਾਂ ਕਿਹਾ ਕਿ ਚਰਨਜੀਤ ਚੰਨੀ ਇਹ ਦੱਸਣ ਕਿ ਕੀ 1962, 1965 ਅਤੇ 1971 ਦੀਆਂ ਲੜਾਈਆਂ ਚੋਣਾਂ ਜਿੱਤਣ ਲਈ ਕੀਤੀਆਂ ਗਈਆਂ ਸਨ?

ਗੌਰਤਲਬ ਹੈ ਕਿ ਜੰਮੂ-ਕਸ਼ਮੀਰ ਦੇ ਪੁੰਛ ਜ਼ਿਲ੍ਹੇ ਵਿਚ ਸ਼ਨੀਵਾਰ ਸ਼ਾਮ ਹੋਏ ਅੱਤਵਾਦੀ ਹਮਲੇ ਵਿਚ ਭਾਰਤੀ ਹਵਾਈ ਫੌਜ ਦਾ ਇੱਕ ਜਵਾਨ ਸ਼ਹੀਦ ਹੋ ਗਿਆ ਅਤੇ ਚਾਰ ਹੋਰ ਜ਼ਖਮੀ ਹੋ ਗਏ ਸਨ। ਚਰਨਜੀਤ ਚੰਨੀ ਨੇ ਐਤਵਾਰ ਨੂੰ ਦੋਸ਼ ਲਾਇਆ ਕਿ ਇਹ ਪਹਿਲਾਂ ਤੋਂ ਯੋਜਨਾਬੱਧ ਸੀ ਅਤੇ ਚੋਣਾਂ ਵਿਚ ਭਾਜਪਾ ਦੀ ਜਿੱਤ ਦੀ ਸਹੂਲਤ ਲਈ ਅਜਿਹੀ ਸਟੰਟਬਾਜ਼ੀ ਕੀਤੀ ਜਾਂਦੀ ਹੈ।