15.34C Vancouver 15.34C VancouverSep 18, 2020 7:52 PM -
ਬਲੌਕ ਕਿਊਬੈਕੁਆ ਲੀਡਰ, ਈਵ ਫ੍ਰਾਂਸੂਆ ਬਲਾਨਸ਼ੇ ਨੂੰ ਕੋਵਿਡ-19 ਤੋਂ ਪੀੜਤ ਪਾਇਆ ਗਿਆ ਹੈ।
ਉਨ੍ਹਾਂ ਵੱਲੋਂ ਕਿਊਬੈਕ ਦੇ ਆਪਣੇ ਘਰ 'ਚ ਹੀ, 26 ਸਿਤੰਬਰ ਤੱਕ ਖੁਦ ਨੂੰ ਇਕੱਲੇ ਰੱਖਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਸ ਤੋਂ ਪਹਿਲਾਂ ਬਲਾਨਸ਼ੇ ਦੀ ਪਤਨੀ, ਨੈਂਸੀ ਨੂੰ ਵੀ ਵਾਇਰਸ ਤੋਂ ਸੰਕ੍ਰਮਿਤ ਪਾਇਆ ਗਿਆ ਸੀ।
ਪਾਰਟੀ ਦੇ ਇੱਕ ਸਟਾਫ਼ ਮੈਂਬਰ ਨੂੰ ਵਾਇਰਸ ਤੋਂ ਪੀੜਤ ਪਾਏ ਜਾਣ ਤੋਂ ਬਾਅਦ, ਆਪਣੇ ਟੈਸਟ ਦੇ ਨਤੀਜੇ ਆਉਣ ਤੋਂ ਪਹਿਲਾਂ ਹੀ ਬਲੌਕ ਲੀਡਰ ਨੇ ਖੁਦ ਨੂੰ ਇਕੱਲੇ 'ਚ ਰੱਖਿਆ ਹੋਇਆ ਸੀ।
ਯਾਦ ਰਹੇ ਕਿਊਬੈਕ 'ਚ ਨਿਰਦੇਸ਼ਾਂ ਅਨੁਸਾਰ, ਜੇਕਰ ਕੋਈ ਵਿਅਕਤੀ ਕੋਵਿਡ-19 ਤੋਂ ਪੀੜਤ ਹੈ, ਅਤੇ ਉਸ ਨੂੰ ਕੋਈ ਲੱਛਣ ਉਜਾਗਰ ਨਹੀਂ ਹੁੰਦੇ ਹਨ ਤਾਂ ਉਨ੍ਹਾਂ ਨੂੰ 10 ਦਿਨ ਤੱਕ ਇਕੱਲੇ 'ਚ ਰਹਿਣਾ ਜ਼ਰੂਰੀ ਹੈ।
