12.61C Vancouver 12.61C VancouverOct 29, 2024 1:13 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਘੱਟ ਗਿਣਤੀ ਸਰਕਾਰ ਨੂੰ ਡੇਗਣ ਲਈ ਬਲਾਕ ਕਿਊਬੇਕੋਇਸ ਮੈਦਾਨ ਵਿਚ ਉਤਰ ਗਈ ਹੈ। ਬਲਾਕ ਨੇ ਲਿਬਰਲਸ ਨੂੰ ਸੰਸਦ ਵਿਚ ਸਮਰਥਨ ਦੇ ਬਦਲੇ ਉਸ ਦੇ ਦੋ ਬਿੱਲ ਪਾਸ ਕਰਨ ਦੀ ਡੈਡਲਾਈਨ ਦਿੱਤੀ ਸੀ ਪਰ ਸਰਕਾਰ ਮੰਗ ਪੂਰੀ ਨਹੀਂ ਕਰ ਸਕੀ।
ਬਲਾਕ ਦੇ ਪ੍ਰਧਾਨ ਯਵੇਸ-ਫ੍ਰੈਂਕੋਇਸ ਬਲੈਂਚੇਟ ਨੇ ਪਿਛਲੇ ਮਹੀਨੇ ਇਹ ਸਮਾਂ-ਸੀਮਾ ਦਿੱਤੀ ਸੀ। ਉਨ੍ਹਾਂ ਚਿਤਾਵਨੀ ਦਿੰਦੇ ਕਿਹਾ ਸੀ ਜੇ ਲਿਬਰਲਸ ਕ੍ਰਿਸਮਸ ਤੋਂ ਪਹਿਲਾਂ ਚੋਣਾਂ ਤੋਂ ਬਚਣਾ ਚਾਹੁੰਦੇ ਹਨ ਤਾਂ ਉਨ੍ਹਾਂ ਨੂੰ ਉਸ ਦੇ ਦੋ ਪ੍ਰਾਈਵੇਟ ਮੈਂਬਰ ਬਿੱਲ ਨੂੰ 28 ਅਕਤੂਬਰ ਤੱਕ ਹਰੀ ਝੰਡੀ ਦੇਣੀ ਹੋਵੇਗੀ। ਇਨ੍ਹਾਂ ਵਿਚ ਇੱਕ ਬਿੱਲ ਸੀਨੀਅਰਜ਼ ਲਈ ਪੈਨਸ਼ਨ ਵਧਾਉਣ ਸਬੰਧੀ ਸੀ, ਜਿਸ ਨੂੰ ਲਿਬਰਲ ਨੇ ਸਮਰਥਨ ਦੇਣ ਤੋਂ ਇਨਕਾਰ ਕਰ ਦਿੱਤਾ।
ਸੰਸਦ ਦੇ ਮੌਜੂਦਾ ਸੈਸ਼ਨ ਵਿਚ ਹੁਣ ਤੱਕ ਟਰੂਡੋ ਸਰਕਾਰ ਕੰਜ਼ਰਵੇਟਿਵ ਦੇ ਦੋ ਅਵਿਸ਼ਵਾਸ ਮੋਸ਼ਨ ਦਾ ਸਾਹਮਣਾ ਕਰ ਚੁੱਕੀ ਹੈ ਅਤੇ ਦੋਵੇਂ ਹੀ ਵਾਰ ਬਲਾਕ ਅਤੇ ਐਨ.ਡੀ.ਪੀ. ਨੇ ਸਰਕਾਰ ਦਾ ਸਮਰਥਨ ਕੀਤਾ ਸੀ। ਹੁਣ ਕਿਉਂਕਿ ਬਲਾਕ ਕਿਊਬੇਕੋਇਸ ਦੀਆਂ ਮੰਗਾਂ ਦੀ ਡੈੱਡਲਾਈਨ ਨਿਕਲ ਚੁੱਕੀ ਹੈ ਤਾਂ ਉਸ ਵਲੋਂ ਕੰਜ਼ਰਵੇਟਿਵਾਂ ਨਾਲ ਮਿਲ ਕੇ ਸਰਕਾਰ ਨੂੰ ਡੇਗਣ ਦੀ ਪਲੈਨਿੰਗ ਕੀਤੀ ਜਾ ਸਕਦੀ ਹੈ।
