15.73C Vancouver 15.73C VancouverOct 1, 2024 5:30 PM - Connect Newsroom - Debby Rai, with files from The Canadian Press
ਬਲਾਕ ਕਿਊਬੇਕਵਾ ਨੇ ਅੱਜ ਫੈਡਰਲ ਸਰਕਾਰ 'ਤੇ ਦਬਾਅ ਵਧਾਉਣ ਲਈ ਹਾਊਸ ਆਫ਼ ਕਾਮਨਜ਼ ਵਿੱਚ ਬਜ਼ੁਰਗਾਂ ਲਈ ਓਲਡ ਏਜ ਸਿਕਿਊਰਿਟੀ (OAS) ਭੁਗਤਾਨ ਵਧਾਉਣ 'ਤੇ ਚਰਚਾ ਦੀ ਮੰਗ ਕੀਤੀ ਹੈ।
ਬਲਾਕ ਦੇ ਨੇਤਾ ਈਵ-ਫ਼ਰਾਂਸਵਾ ਬਲਾਂਸ਼ੇ ਨੇ ਲਿਬਰਲ ਸਰਕਾਰ ਨੂੰ 29 ਅਕਤੂਬਰ ਤੱਕ ਆਪਣੀ ਪਾਰਟੀ ਦੇ 16 ਅਰਬ ਡਾਲਰ ਦੇ ਪੈਨਸ਼ਨ ਬਿੱਲ ਨੂੰ ਮਨਜ਼ੂਰੀ ਦੇਣ ਦਾ ਸਮਾਂ ਦਿੱਤਾ ਹੈ। ਉਨ੍ਹਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਐਸਾ ਨਾ ਹੋਇਆ ਤਾਂ ਉਹ ਹੋਰ ਵਿਰੋਧੀ ਪਾਰਟੀਆਂ ਨਾਲ ਗੱਲਬਾਤ ਕਰਕੇ ਅਲਪਮਤ ਸਰਕਾਰ ਡਿਗਾਉਣ ਦੀ ਕੋਸ਼ਿਸ਼ ਕਰਨਗੇ।
ਹਾਲਾਂਕਿ, ਬਲਾਕ ਦੀਆਂ ਮੰਗਾਂ ਮੰਨਣ ਨਾਲ ਵੀ ਸਰਕਾਰ ਨੂੰ ਸਿਰਫ਼ ਕੁਝ ਮਹੀਨਿਆਂ ਲਈ ਸਮਰਥਨ ਮਿਲੇਗਾ। ਪਾਰਟੀ ਆਪਣੀ ਵਿਰੋਧ ਦਿਵਸ ਪ੍ਰਸਤਾਵ ਰਾਹੀਂ ਸਰਕਾਰ ਨੂੰ ਜਲਦੀ ਤੋਂ ਜਲਦੀ ਬਿੱਲ ਦਾ ਸਮਰਥਨ ਕਰਨ ਲਈ ਕਹੇਗੀ ਅਤੇ ਹੋਰ ਪਾਰਟੀਆਂ ਨੂੰ ਵੀ ਇਸ ਵਿੱਚ ਸਾਥ ਦੇਣ ਦੀ ਅਪੀਲ ਕਰੇਗੀ।
ਇਸ ਹਫ਼ਤੇ ਦੇ ਅੰਤ ਵਿੱਚ ਇੱਕ ਵੋਟਿੰਗ ਹੋਣ ਦੀ ਸੰਭਾਵਨਾ ਹੈ, ਜੋ ਇਹ ਦਰਸਾ ਸਕਦੀ ਹੈ ਕਿ ਸਰਕਾਰ ਬਲਾਕ ਦੀਆਂ ਸ਼ਰਤਾਂ ਨੂੰ ਮੰਨਣ ਲਈ ਤਿਆਰ ਹੈ ਜਾਂ ਨਹੀਂ।
ਇਸੇ ਦੌਰਾਨ, ਕਨਜ਼ਰਵੇਟਿਵ ਪਾਰਟੀ ਅੱਜ ਦੁਪਹਿਰ ਅਣਵਿਸ਼ਵਾਸ ਪ੍ਰਸਤਾਵ (ਨੋਨ-ਕਾਨਫ਼ਿਡੈਂਸ ਮੋਸ਼ਨ) ਰਾਹੀਂ ਸਰਕਾਰ ਡਿਗਾਉਣ ਦੀ ਇਕ ਹੋਰ ਕੋਸ਼ਿਸ਼ ਕਰਨਗੇ, ਹਾਲਾਂਕਿ ਇਸਦੇ ਪਾਸ ਹੋਣ ਦੀ ਸੰਭਾਵਨਾ ਘੱਟ ਮੰਨੀ ਜਾ ਰਹੀ ਹੈ।
