The Bloc Québécois has won the Montreal Liberal stronghold riding of LaSalle—Émard—Verdun after an extremely tight three-way race with the NDP. (Photo: The Canadian Press)
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਮਾਂਟਰੀਅਲ ਜ਼ਿਮਨੀ ਚੋਣ ਵਿਚ ਲਿਬਰਲ ਉਮੀਦਵਾਰ ਦੀ ਹਾਰ ਨਾਲ ਦੂਜਾ ਵੱਡਾ ਝਟਕਾ ਲੱਗਾ ਹੈ, ਬੀਤੀ ਰਾਤ ਲਸੇਲ-ਏਮਾਰਡ-ਵਰਡਨ ਰਾਈਡਿੰਗ 'ਤੇ ਸੰਪੰਨ ਹੋਈ ਜ਼ਿਮਨੀ ਚੋਣ ਵਿਚ ਲਿਬਰਲਸ ਬਲਾਕ ਕਿਊਬੇਕੋਇਸ ਤੋਂ ਹਾਰ ਗਈ।
ਇਹ ਸੀਟ ਲੰਮੇ ਸਮੇਂ ਤੋਂ ਲਿਬਰਲਸ ਦਾ ਗੜ੍ਹ ਸੀ। ਇਸ ਹਾਰ ਨਾਲ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਲੀਡਰਸ਼ਿਪ 'ਤੇ ਹੋਰ ਦਬਾਅ ਵਧਣ ਦੇ ਆਸਾਰ ਹਨ ਕਿਉਂਕਿ ਪਿਛਲੇ ਤਿੰਨ ਮਹੀਨਿਆਂ ਵਿਚ ਲਿਬਰਲਸ ਨੇ ਇਹ ਦੂਜੀ ਸੇਫ ਸੀਟ ਜ਼ਿਮਨੀ ਚੋਣ ਵਿਚ ਗੁਆਈ ਹੈ। ਜੂਨ ਵਿਚ ਪਾਰਟੀ ਟੋਰਾਂਟੋ— ਸੇਂਟ. ਪੌਲਸ ਦੀ ਜ਼ਿਮਨੀ ਚੋਣ ਕੰਜ਼ਰਵੇਟਿਵਸ ਤੋਂ ਹਾਰੀ ਸੀ।
ਉੱਥੇ ਹੀ, ਜਗਮੀਤ ਸਿੰਘ ਦੀ ਅਗਵਾਈ ਵਾਲੀ ਐੱਨ. ਡੀ. ਪੀ. ਕੰਜ਼ਰਵੇਟਿਵ ਨਾਲ ਕਰੜੇ ਮੁਕਾਬਲੇ ਵਿਚ ਆਪਣੀ ਵਿਨੀਪੈਗ ਦੀ ਐਲਮਵੁੱਡ-ਟ੍ਰਾਂਸਕੋਨਾ ਰਾਈਡਿੰਗ ਬਚਾਉਣ ਵਿਚ ਸਫਲ ਰਹੀ। ਇਸ ਸੀਟ 'ਤੇ ਐੱਨ. ਡੀ. ਪੀ. ਉਮੀਦਵਾਰ ਨੂੰ 48.1 ਫੀਸਦੀ ਵੋਟ ਮਿਲੇ, ਜਦੋਂ ਕਿ ਕੰਜ਼ਰਵੇਟਿਵ ਪਾਰਟੀ ਦੇ ਉਮੀਦਵਾਰ ਨੇ 44 ਫੀਸਦੀ ਵੋਟਸ ਪ੍ਰਾਪਤ ਕੀਤੇ, ਉੱਥੇ ਹੀ,ਪੀ. ਐੱਮ. ਟਰੂਡੋ ਦੀ ਲਿਬਰਲਸ ਸਿਰਫ 4.8 ਫੀਸਦੀ ਵੋਟਸ 'ਤੇ ਹੀ ਸਿਮਟ ਗਈ।
ਖਾਸ ਗੱਲ ਇਹ ਹੈ ਕਿ ਐੱਨ. ਡੀ. ਪੀ. ਦੇ ਵਿਨੀਪੈਗ ਗੜ੍ਹ ਵਿਚ ਕੰਜ਼ਰਵੇਟਿਵਸ ਦਾ ਵੋਟ ਫੀਸਦੀ ਵਧਿਆ ਹੈ, 2021 ਦੇ ਜਨਰਲ ਇਲੈਕਸ਼ਨ ਵਿਚ ਇਸ ਨੇ 28 ਫੀਸਦੀ ਵੋਟ ਫੀਸਦੀ ਪ੍ਰਾਪਤ ਕੀਤੇ ਸਨ, ਜਦੋਂ ਕਿ ਜ਼ਿਮਨੀ ਚੋਣ ਵਿਚ 44 ਫੀਸਦੀ ਵੋਟਸ 'ਤੇ ਪਹੁੰਚ ਗਈ। ਇਨ੍ਹਾਂ ਜ਼ਿਮਨੀ ਚੋਣ ਤੋਂ ਸਾਫ ਹੈ ਕਿ ਟਰੂਡੋ ਲਈ ਅਗਲੇ ਜਨਰਲ ਇਲੈਕਸ਼ਨ ਮੁੜ ਜਿੱਤਣਾ ਆਸਾਨ ਨਹੀਂ ਹੋਵੇਗਾ।
12.62C Vancouver
