ਲੈਂਗਲੇ ਤੋਂ ਪਿਛਲੇ ਸਾਲ ਤੋਂ ਲਾਪਤਾ ਬਜ਼ੁਰਗ ਔਰਤ ਦੀ ਮਿਲੀ ਲਾਸ਼

ਲੈਂਗਲੇ ਤੋਂ ਪਿਛਲੇ ਸਾਲ ਤੋਂ ਲਾਪਤਾ ਬਜ਼ੁਰਗ ਔਰਤ ਦੀ ਲਾਸ਼ ਮਿਲੀ ਹੈ। 82 ਸਾਲਾ ਜੇਨ ਵ੍ਹਾਈਟਹਾਊਸ 25 ਅਕਤੂਬਰ, 2024 ਤੋਂ ਲਾਪਤਾ ਸੀ। ਉਸ ਨੂੰ ਆਖਰੀ ਵਾਰ ਐਲਡਰਗਰੋਵ ਉਪਨਗਰ ਵਿਚ ਦੇਖਿਆ ਗਿਆ ਸੀ। ਉਸ ਦੀ ਖਾਲੀ ਕਾਰ ਕੁਝ ਦਿਨ ਬਾਅਦ ਮਿਲੀ ਸੀ। ਔਫੀਸਰਜ਼ ਮੁਤਾਬਕ ਉਸ ਦੀ ਕਾਰ ਈਸਟ ਵੈਨਕੂਵਰ ਤੋਂ ਕਰੀਬ 120 ਕਿਲੋਮੀਟਰ ਦੂਰ ਅਗਾਸੀਜ਼ ਦੇ ਈਸਟ ਹੈਰੀਸਨ ਫੋਰੈਸਟ ਸਰਵਿਸ ਰੋਡ ਨੇੜਿਓਂ ਮਿਲੀ ਸੀ।

ਉਹ ਲਗਾਤਾਰ ਉਸ ਦੀ ਭਾਲ ਕਰ ਰਹੇ ਸਨ। ਪੁਲਿਸ ਨੇ ਸਟੇਟਮੈਂਟ ਜਾਰੀ ਕਰਦਿਆਂ ਕਿਹਾ ਕਿ ਔਰਤ ਦੀ ਮੌਤ ਸ਼ੱਕੀ ਨਹੀਂ ਹੈ। ਉਨ੍ਹਾਂ ਨੇ ਉਸ ਦੇ ਪਰਿਵਾਰ ਅਤੇ ਦੋਸਤਾਂ ਨਾਲ ਦੁੱਖ ਸਾਂਝਾ ਕੀਤਾ ਹੈ।