19.81C Vancouver 19.81C VancouverOct 29, 2020 8:31 PM -
ਇੱਕ ਬਾਰਡਰ ਅਫ਼ਸਰ ਜਿਸਨੇ ਕਿ ਵੁਆਵੇ ਐਗਜ਼ੀਕਿਊਟਿਵ ਮੰਗ ਵੰਜੋ ਦੀ 3 ਘੰਟੇ ਦੀ ਡਿਟੈਨਸ਼ਨ ਅਤੇ ਐਗਜ਼ਾਮੀਨੇਸ਼ਨ 'ਚ ਮਦਦ ਕੀਤੀ ਸੀ, ਉਸ ਦਾ ਕਹਿਣਾ ਹੈ ਕਿ ਫੋਨ ਪਾਸਕੋਡ ਹਾਸਿਲ ਕਰਨਾ ਕਿਸੇ ਵਿਦੇਸ਼ੀ ਰਾਸ਼ਟਰੀ ਦੀ ਸੈਕੰਡਰੀ ਐਗਜ਼ਾਮੀਨੇਸ਼ਨ ਦਾ ਰੁਟੀਨ ਹਿੱਸਾ ਹੈ।
ਬੀ.ਸੀ. ਸੁਪ੍ਰੀਮ ਕੋਰਟ 'ਚ ਸਕੌਟ ਕਰਕਲੈਂਡ ਨੇ ਕਿਹਾ ਕਿ ਉਨ੍ਹਾਂ ਦੀ ਮਨਸ਼ਾ ਨਹੀਂ ਸੀ ਕਿ ਮੰਗ ਵੰਜੋ ਦੇ ਫੋਨ ਦੇ ਪਾਸਕੋਡ, ਆਰ.ਸੀ.ਐਮ.ਪੀ. ਨਾਲ ਸਾਂਝੇ ਕੀਤੇ ਜਾਣ।
ਉਨ੍ਹਾਂ ਕਿਹਾ ਕਿ ਜੇਕਰ ਉਨ੍ਹਾਂ ਨੂੰ ਪਤਾ ਹੁੰਦਾ ਕਿ ਜਿਸ ਕਾਗਜ਼ 'ਤੇ ਉਨ੍ਹਾਂ ਪਾਸਕੋਡ ਲਿਖੇ ਹਨ, ਉਹ ਅਤੇ ਮੰਗ ਵੰਜੋ ਦੀਆਂ ਡਿਵਾਈਸਾਂ, ਆਰ.ਸੀ.ਐਮ.ਪੀ. ਕੋਲ ਪਹੁੰਚ ਜਾਣਗੇ, ਤਾਂ ਉਹ ਉਸੇ ਵੇਲੇ ਹਰਕਤ 'ਚ ਆ ਜਾਂਦੇ।
ਮੰਗ ਵੰਜੋ ਦੀ ਡਿਫੈਂਸ ਟੀਮ ਦੀ ਮੰਗ 'ਤੇ ਪੇਸ਼ ਹੋਣ ਵਾਲੇ ਗਵਾਹਾਂ ਦੀ ਸੂਚੀ ਵਿੱਚ ਸਕੌਟ ਕਰਕਲੈਂਡ ਦੂਜਾ ਗਵਾਹ ਹੈ।
ਡਿਫੈਂਸ ਨੇ ਸਵਾਲ ਚੁੱਕੇ ਹਨ ਕਿ ਇੱਕ 'ਕੋ-ਔਰਡੀਨੇਟਿਡ ਨੀਤੀ' ਤਹਿਤ ਆਰ.ਸੀ.ਐਮ.ਪੀ. ਨੇ ਮੰਗ ਵੰਜੋ ਦੀ ਗ੍ਰਿਫਤਾਰੀ 'ਚ ਢਿੱਲ ਵਰਤੀ, ਜਿਸ ਨਾਲ ਕਿ ਬਾਰਡਰ ਅਧਿਕਾਰੀ ਆ ਕੇ ਪੁੱਛਗਿੱਛ ਕਰ ਸਕਣ ਤਾਂ ਜੋ ਸਭ ਕਿਸੇ ਪ੍ਰਕਾਰ ਦੇ 'ਰੁਟੀਨ ਇਮੀਗ੍ਰੇਸ਼ਨ ਐਗਜ਼ਾਮ' ਜਿਹਾ ਲੱਗੇ।
