ਬ੍ਰਿਟਿਸ਼ ਕੋਲੰਬੀਆ ਅਮਰੀਕਾ ਨੂੰ ਬਿਜਲੀ ਅਤੇ ਕੁਦਰਤੀ ਗੈਸ ਦੀ ਸਪਲਾਈ ਕਰ ਸਕਦਾ ਹੈ ਬੰਦ

ਬ੍ਰਿਟਿਸ਼ ਕੋਲੰਬੀਆ ਵਲੋਂ ਟਰੰਪ ਦੇ ਟੈਰਿਫ ਦੇ ਜਵਾਬ ਵਿਚ ਅਮਰੀਕਾ ਨੂੰ ਬਿਜਲੀ ਅਤੇ ਕੁਦਰਤੀ ਗੈਸ ਦੀ ਸਪਲਾਈ ਰੋਕੀ ਜਾ ਸਕਦੀ ਹੈ। ਪ੍ਰੀਮੀਅਰ ਡੇਵਿਡ ਈਬੀ ਨੇ ਕਿਹਾ ਹੈ ਕਿ ਗੈਰ-ਵਾਜਬ ਟੈਰਿਫ ਦਾ ਜਵਾਬ ਦੇਣ ਲਈ ਕੁਝ ਵੀ ਆਫ ਦਿ ਟੇਬਲ ਨਹੀਂ ਹੈ।

ਉਨ੍ਹਾਂ ਅਮਰੀਕਾ ਨੂੰ ਬਿਜਲੀ ਜਾਂ ਨੈਚੁਰਲ ਗੈਸ ਦੇ ਨਿਰਯਾਤ ਨੂੰ ਬੰਦ ਕਰਨ ਦੀ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ।

ਈਬੀ ਦੀ ਇਹ ਤਿੱਖੀ ਟਿੱਪਣੀ ਬੁੱਧਵਾਰ ਨੂੰ ਪ੍ਰੀਮੀਅਰ ਦੀ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨਾਲ ਟੈਰਿਫ ਦੇ ਮੁੱਦੇ ’ਤੇ ਹੋਈ ਬੈਠਕ ਤੋਂ ਬਾਅਦ ਆਈ ਹੈ। ਉਥੇ ਹੀ, ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਸਾਫ ਕਿਹਾ ਹੈ ਕਿ ਜੇ ਟਰੰਪ ਆਪਣੇ ਕਦਮ ਤੋਂ ਪਿੱਛੇ ਨਾ ਹਟੇ ਤਾਂ ਉਨ੍ਹਾਂ ਦਾ ਸੂਬਾ ਗੁਆਂਢੀ ਅਮਰੀਕੀ ਰਾਜ ਨੂੰ ਪਾਵਰ ਸਪਲਾਈ ਰੋਕ ਦੇਵੇਗਾ।

ਪ੍ਰੀਮੀਅਰ ਡੇਵਿਡ ਈਬੀ ਨੇ ਵੀ ਇਹੀ ਸੰਕੇਤ ਦਿੱਤਾ ਹੈ। ਈਬੀ ਨੇ ਕਿਹਾ ਕਿ ਬ੍ਰਿਟਿਸ਼ ਕੋਲੰਬੀਆ ਪੀਕ ਡਿਮਾਂਡ ਸਮੇਂ ਵਾਸ਼ਿੰਗਟਨ ਸਟੇਟ, ਓਰੇਗਨ ਅਤੇ ਕੈਲੀਫੋਰਨੀਆ ਨੂੰ ਬਿਜਲੀ ਵੇਚਦਾ ਹੈ।