19.73C Vancouver 19.73C VancouverJun 16, 2021 4:42 PM -
ਉੱਤਰ ਪੱਛਮੀ ਬੀ.ਸੀ. ਵਿੱਚ ਇੱਕ ਆਲ-ਟੈਰੇਨ ਵਾਹਨ ਦੇ ਜਾਨਲੇਵਾ ਹਾਦਸੇ ਨਾਲ ਸੰਬੰਧਤ ਦੋ ਆਰ.ਸੀ.ਐਮ.ਪੀ. ਅਧਿਕਾਰੀਆਂ ਨੂੰ ਬੇਕਸੂਰ ਕਰਾਰ ਦਿੱਤਾ ਗਿਆ ਹੈ।
ਪੁਲਿਸ ਨਾਲ ਸੰਬੰਧਤ ਵਾਰਦਾਤਾਂ ਦੀ ਜਾਂਚ ਕਰਨ ਵਾਲੇ ‘ਦ ਇੰਡੀਪੈਂਡੈਂਟ ਇਨਵੇਸਟੀਗੇਸ਼ਨਜ਼ ਔਫਿਸ’ ਮੁਤਾਬਕ ਪੜਚੋਲ ਤੋਂ ਬਾਅਦ ਇਹ ਸਪਸ਼ਟ ਹੋਇਆ ਹੈ ਕਿ ਟੈਰਸ ਵਿੱਚ 23 ਮਈ ਨੂੰ ਵਾਪਰੇ ਹਾਦਸੇ ਵਿੱਚ ਆਰ.ਸੀ.ਐਮ.ਪੀ. ਦੇ ਦੋ ਅਫਸਰਾਂ ਵਲੋਂ ਕੋਈ ਜੁਰਮ ਨਹੀਂ ਕੀਤਾ ਗਿਆ।
ਅਫਸਰਾਂ ਨੇ ਟੈਰਸ ਦੇ ਨਜ਼ਦੀਕ ਇੱਕ ਫੋਰੈਸਟ ਸਰਵਿਸ ਸੜਕ ’ਤੇ ਇੱਕ ਏ.ਟੀ.ਵੀ. ਨੂੰ ਰੋਕਣ ਦਾ ਯਤਨ ਕੀਤਾ ਕਿਉਂਕਿ ਵਾਹਨ ’ਤੇ ਸਵਾਰ 3 ਵਿਅਕਤੀਆਂ ਵਿੱਚੋਂ ਕਿਸੇ ਨੇ ਵੀ ਹੈਲਮੇਟ ਨਹੀਂ ਸੀ ਪਹਿਨੀ ਹੋਈ।
ਏ.ਟੀ.ਵੀ. ਰੁਕਿਆ ਨਹੀਂ ਸੀ ਅਤੇ ਕ੍ਰੈਸ਼ ਹੋਣ ਤੋਂ ਪਹਿਲਾਂ ਲਗਭਗ 10 ਕਿਲੋਮੀਟਰ ਉੱਤਰ ਤੱਕ ਚਲਦਾ ਰਿਹਾ, ਇਸ ਦੌਰਾਨ ਇੱਕ ਔਰਤ ਜ਼ਖਮੀ ਹੋ ਗਈ ਸੀ ਜਿਸ ਨੇ ਬਾਅਦ ਵਿੱਚ ਦਮ ਤੋੜ ਦਿੱਤਾ ਅਤੇ ਦੋ ਵਿਅਕਤੀਆਂ ਵਿੱਚੋਂ ਇੱਕ ਨੂੰ ਗੰਭੀਰ ਰੂਪ ਵਿੱਚ ਸੱਟ ਲੱਗੀ।
ਜਾਂਚਕਰਤਾਵਾਂ ਅਨੁਸਾਰ ਪੁਲਿਸ ਕਰੂਜ਼ਰ ਦਾ ਡਾਟਾ ਅਤੇ ਗਵਾਹਾਂ ਦੀ ਗਵਾਹੀ ਇਹ ਸਾਬਤ ਕਰਦੀ ਹੈ ਕਿ ਅਫਸਰਾਂ ਨੇ ਏ.ਟੀ.ਵੀ. ਦਾ ਪਿੱਛਾ ਨਹੀਂ ਕੀਤਾ ਅਤੇ ਉਹ ਕਰੈਸ਼ ਦੇ ਸਮੇਂ ਰਿਪੋਰਟ ਮਿਲਣ ’ਤੇ ਉਲਟੀ ਦਿਸ਼ਾ ਵੱਲ ਜਾ ਰਹੇ ਸਨ।
ਏਜੰਸੀ ਦੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਅਧਿਕਾਰੀਆਂ ਨੇ ਢੁੱਕਵੀਂ ਕਾਰਵਾਈ ਕੀਤੀ ਅਤੇ ਕੇਸ ਬੰਦ ਕਰ ਦਿੱਤਾ ਗਿਆ।
